2014సర్వే ఇలా.. ఈసారి లగడపాటి సర్వే నిజమయ్యేనా..?

జాతీయ సంస్థలు విడుదల చేసిన అన్ని సర్వేలూ.. దాదాపు తీర్పు ఏకపక్షమేనని.. టీఆర్ఎస్ దే మళ్లీ అధికారం అని ప్రకటించాయి. కానీ.. లగడపాటి సర్వే మాత్రం భిన్నంగా ఉంది. 

తెలంగాణ అసెంబ్లీ ఎన్నికలకు పోలింగ్ శుక్రవారంతో ముగిసింది. ఇలా పోలింగ్ ముగిసిందో లేదో.. ఇలా కొన్ని సంస్థలు ఎగ్జిట్ పోల్స్ విడుదల చేశాయి. జాతీయ సంస్థలు విడుదల చేసిన అన్ని సర్వేలూ.. దాదాపు తీర్పు ఏకపక్షమేనని.. టీఆర్ఎస్ దే మళ్లీ అధికారం అని ప్రకటించాయి. కానీ.. లగడపాటి సర్వే మాత్రం భిన్నంగా ఉంది. టీఆర్ఎస్ కి గెలిచే అవకాశం లేదని.. కచ్చితంగా కూటమే అధికారంలోకి వచ్చితీరుతుందని బల్లగుద్ది మరీ చెప్పారు.

అయితే.. లగడపాటి సర్వేలో నిజమెంత ఉంది..? గతంలో ఆయన విడుదల చేసిన సర్వే ఎంత వరకు నిజమయ్యాయో ఒకసారి చూద్దాం.  2014 ఎన్నికల్లో టీఆర్ఎస్ అధికారంలోకి వస్తుందని లగడపాటి స్పష్టం చేశారు. ఆయన చెప్పినట్టుగానే టీఆర్ఎస్ అధికారంలోకి వచ్చింది. ఇక సీట్లు విషయానికి వస్తే.. గత ఎన్నికల్లో టీడీపీ-బీజేపీ కూటమికి 18-22 సీట్లు వస్తాయని అంచనా వేయగా.. 20 సీట్లు వచ్చాయి.

టీఆర్ఎస్ కు 50-60 సీట్లు వస్తాయని అంచనా వేయగా.. 63సీట్లు గెలుచుకుంది. ఇక కాంగ్రెస్ కు 30-40 సీట్లు వస్తాయని చెప్పగా.. 20సీట్లు దక్కించుకుంది. ఇతరులు 7-9 సీట్లు వస్తాయనుకోగా.. 15సీట్లు వచ్చాయని. కాస్త అటుఇటుగా..గత ఎన్నికలపై లగడపాటి సర్వే.. దాదాపు నిజమైంది. మరి ఈసారి ఏమౌతుందో తెలియాలంటే మరో మూడు రోజులు ఎదురుచూడాల్సిందే. 

read more news