కేసీఆర్ గెలుస్తారా, ఓడుతారా: జవాబు దాటేసిన లగడపాటి

శుక్రవారం సాయంత్రం మీడియాకు ఆయన తన ఎగ్జిట్ పోల్ సర్వే ఫలితాలను వెల్లడించిన సమయం తెలిసిందే. ఈ సందర్భంగా గజ్వెల్ పై మీడియా ప్రతినిధులు పదే పదే అడిగినా కూడా ఆయన జవాబు చెప్పడానికి ఇష్టపడలేదు. 

హైదరాబాద్: గజ్వెల్ నియోజకవర్గంలో ప్రజా కూటమి అభ్యర్థి వంటేరు ప్రతాపరెడ్డిపై ముఖ్యమంత్రి కె. చంద్రశేఖరరావు గెలుస్తారా, లేదా అనే విషయాన్ని వెల్లడించడానికి మాజీ పార్లమెంటు సభ్యుడు లగడపాటి రాజగోపాల్ నిరాకరించారు. ఆ విషయం మాట్లాడితే బాగుండదని ఆయన అన్నారు. 

శుక్రవారం సాయంత్రం మీడియాకు ఆయన తన ఎగ్జిట్ పోల్ సర్వే ఫలితాలను వెల్లడించిన సమయం తెలిసిందే. ఈ సందర్భంగా గజ్వెల్ పై మీడియా ప్రతినిధులు పదే పదే అడిగినా కూడా ఆయన జవాబు చెప్పడానికి ఇష్టపడలేదు. 

 గజ్వేల్‌లో 88 శాతం పోలింగ్‌ అయిందని, అక్కడ ఎవరు గెలిచే అవకాశం ఉందని విలేకరులు ప్రశ్నించగా, అలా వ్యక్తిగతంగా వివరాలు చెప్పబోనని లగడపాటి  స్పష్టం చేశారు. గజ్వేల్‌ ఫలితాన్ని మీ ఊహకు వదిలేస్తున్నానని అన్నారు. 

కేసీఆర్‌ ఓడిపోతారా? అని అడిగితే తానెప్పుడు ఆ మాట ఆనలేదని జవాబిచ్చారు. గజ్వేల్‌ కానిస్టేబుల్‌ చెప్పింది నిజమవుతుందా అన్న ప్రశ్నకు దానికి సమాధానం వచ్చి మూడు నెలలు అయిందని, ఆ తర్వాత చాలా పరిణామాలు జరిగాయని అన్నారు. కేసీఆర్ గెలవడం కష్టమేనని కానిస్టేబుళ్లు అన్నారని గతంలో లగడపాటి అన్న విషయం తెలిసిందే.

సంబంధిత వార్తలు