మాట్లాడుకున్నాం: పవన్ కల్యాణ్ రాజకీయ ప్రస్థానంపై కేటీఆర్

పవన్ కల్యాణ్ గురించి ప్రేక్షకులు ప్రస్తావించడంతో తనకు వినపడలేదని తొలుత చెప్పిన కేటీఆర్... కొద్దిసేపటి తర్వాత వినిపించందంటూ పవన్ కల్యాణ్ గురించి ప్రస్తావించారు. పవన్ కల్యాణ్ ఇక్కడ లేరని, కానీ తాము రెండు మూడు సార్లు మాట్లాడుకున్నామని కేటీఆర్ చెప్పారు. 

హైదరాబాద్: జనసేన అధినేత, పవర్ స్టార్ పవన్ కల్యాణ్ పై తెలంగాణ రాష్ట్ర సమితి (టీఆర్ఎస్) వర్కింగ్ ప్రెసిడెంట్ కేటీ రామారావు మాట్లాడారు. రామ్ చరణ్ తేజ్ హీరోగా నటించిన వినయ విధేయ రామ సినిమా ప్రీ రిలీజ్ వేడుకలో ఆయన గురువారం రాత్రి ఆయన పవన్ కల్యాణ్ గురించి ప్రస్తావించారు.

పవన్ కల్యాణ్ గురించి ప్రేక్షకులు ప్రస్తావించడంతో తనకు వినపడలేదని తొలుత చెప్పిన కేటీఆర్... కొద్దిసేపటి తర్వాత వినిపించందంటూ పవన్ కల్యాణ్ గురించి ప్రస్తావించారు. పవన్ కల్యాణ్ ఇక్కడ లేరని, కానీ తాము రెండు మూడు సార్లు మాట్లాడుకున్నామని కేటీఆర్ చెప్పారు. 

పవన్ కల్యాణ్ సినీ ప్రస్థానంతో పాటు రాజకీయ ప్రస్థానం కూడా విజయవంతంగా సాగాలని కోరుకుంటున్నట్లు ఆయన తెలిపారు. కేసీఆర్ మిషన్ ను ముందుకు తీసుకుని వెళ్లాలనే కేటీఆర్ తపన స్ఫూర్తిదాయకమైందని రామ్ చరమ్ తేజ్ అన్నారు. టీఆర్ఎస్ విజయానికి ఆయన కేటీఆర్ కు శుభాకాంక్షలు కూడా తెలిపారు. టీఆర్ఎస్ విజయాన్ని ఆయన గ్రేట్ విక్టరీగా అభివర్ణించారు. 

కేటీఆర్ కు కూడా వినయ విధేయ రామ అనేది వర్తిస్తుందని దర్శకుడు బోయపాటి శ్రీను అన్నారు. 

సంబంధిత వార్తలు