కేసీఆర్ పిలిస్తే వెళ్తా, కేటీఆర్ అడిగారు: నాయిని

మాజీ మంత్రి నాయిని నర్సింహ్మారెడ్డి యూ టర్న్ తీసుకొన్నారు. టీఆర్ఎస్ మాదే... పదవులన్నీ మాకే అంటూ వ్యాఖ్యలు చేశారు. 

హైదరాబాద్: కేసీఆర్ పిలిస్తే వెళ్లి మాట్లాడుతానని మాజీ మంత్రి నాయిని నర్సింహ్మారెడ్డి స్పష్టం చేశారు. తనకు మంత్రి ఇస్తానని కేసీఆర్ తనకు ఇచ్చిన హామీని తప్పాడని నాయిని నర్సింహ్మారెడ్డి రెండు రోజుల క్రితం సంచలన వ్యాఖ్యలు చేసిన విషయం తెలిసిందే.

బుధవారం నాడు మాజీ మంత్రి నాయిని నర్సింహ్మారెడ్డి మీడియాతో చిట్ చాట్ చేశారు. మీడియాలో వచ్చిన వార్తలపై మంత్రి కేటీఆర్ తనను అడిగారని ఆయన చెప్పారు. తాను చిట్ చాట్ చేస్తే పేపర్లో పెద్దగా రాశారని తాను కేటీఆర్ కు చెప్పానన్నారు. తనను కేసీఆర్ పిలిస్తే వెళ్లి మాట్లాడడంలో తప్పేంటని ఆయన  ప్రశ్నించారు.  టీఆర్ఎస్ మాదే ఉన్న పదవులు మాకే  వస్తాయని ఆయన ధీమాను వ్యక్తం చేశారు.

మంత్రివర్గ విస్తరణ జరిగిన మరునాడే కేసీఆర్ తనను మోసం చేశాడని మాజీ మంత్రి నాయిని నర్సింహ్మారెడ్డి వ్యాఖ్యానించారు. తనకు మంత్రి పదవి, తన అల్లుడికి ఎమ్మెల్సీ ఇస్తానని ఇవ్వకుండా మాట తప్పారని ఆయన గుర్తు చేశారు.

నాయిని నర్సింహ్మారెడ్డితో పాటు మాజీ డిప్యూటీ సీఎం రాజయ్య,  జోగు రామన్న తదితరులు కూడ తమ అసంతృప్తిగళాన్ని విన్పించారు.అయితే అసంతృప్తి వ్యక్తం చేసిన నేతలతో టీఆర్ఎస్ నాయకత్వం బుజ్జగింపులకు దిగింది.

సంబంధిత వార్తలు