హుజూర్‌నగర్ టీడీపీ అభ్యర్ధిగా చావా కిరణ్మయి

హుజూర్‌నగర్ ఉపఎన్నికకు అభ్యర్ధిని ఖరారు చేసింది తెలుగుదేశం పార్టీ. మాజీ జడ్పీటీసీ చావా కిరణ్మయిని అభ్యర్ధిగా ప్రకటించిన టీటీడీపీ అధ్యక్షుడు ఎల్.రమణ ఆమెకు బీఫారాన్ని అందజేశారు.

ఈ సందర్భంగా రమణ మాట్లాడుతూ.. హుజూర్‌నగర్‌లో టీడీపీ గెలుపునకు కార్యకర్తలు, నేతలు సమిష్టిగా కృషి చేయాలని కోరారు. పార్టీ కార్యక్రమాల్లో చురుకుగా పాల్గొన్న కిరణ్మయిని అభ్యర్ధిగా నిర్ణయించామని పేర్కొన్నారు.

తెలంగాణ అభివృద్దిలో టీడీపీదీ కీలకపాత్రని తమ ప్రభుత్వ చర్యల కారణంగానే హైదరాబాద్ నగరం అభివృద్ధి చెందిందన్నారు.  కిరణ్మయి మాట్లాడుతూ... హుజూర్‌నగర్ ప్రజలు తన గెలుపునకు సహకరించాలని కోరారు. 

హుజూర్ నగర్ లో ఉత్తమ్ కుమార్ రెడ్డి సతీమణి పద్మావతి కాంగ్రెసు తరఫున పోటీ చేస్తున్న విషయం తెలిసిందే. ఈ స్థితిలో హుజూర్ నగర్ ఉప ఎన్నికపై తెలుగుదేశం పార్టీలో విస్తృతమైన చర్చ జరుగుతోంది.

చంద్రబాబు నాయుడు తెలుగుదేశం తెలంగాణ నేతల అభిప్రాయాలను సేకరిస్తున్నారు. హుజూర్ నగర్ లో తమ పార్టీ తరఫున అభ్యర్థిని పోటీకి దింపాలని పలువురు నేతలు ఆయనకు సూచించారు. పోటీ చేయడం ద్వారా క్యాడర్ ను నిలుపుకునే ప్రయత్నం చేయాలనేది వారి ఉద్దేశంగా కనిపిస్తోంది.     

సంబంధిత వార్తలు: