Telangana

వేణుమాధవ్.... ఆ కోరిక తీరకుండానే..

By telugu teamFirst Published Sep 25, 2019, 1:40 PM IST

Highlights

వేణుమాధవ్... ఈ పేరు గురించి ప్రత్యేకంగా చెప్పాల్సిన అవసరం లేదు. కమెడియన్ గా తనకంటూ గుర్తింపు సంపాదించుకున్న... వేణుమాధవ్ బుధవారం కన్నుమూసిన సంగతి తెలిసిందే. గత కొంతకాలంగా అనారోగ్యంతో బాధపడుతున్న ఆయన... ఈ రోజు ఆస్పత్రిలో చికిత్స పొందుతూ కన్నుమూశారు. అయితే... వేణుమాధవ్ కి ఎప్పటి నుంచో ఓ ఓరిక ఉండేదట. ఆ కోరిక తీరకుండానే ఆయన తుదిశ్వాస విడిచారంటూ... ఆయన కుటుంబసభ్యులు, బంధువులు ఆవేదన వ్యక్తం చేస్తున్నారు.

కమెడియన్ గా ఎంతో గుర్తింపు సంపాదించుకున్న వేణుమాధవ్.. రాజకీయాల్లో కూడా రాణించాలని అనుకున్నారు. సినిమాల్లోకి రాకముందే.. టీడీపీ ఆఫీసులో ఆయన పనిచేశాడు. తెలుగుదేశం పార్టీ మహానాడు కార్యక్రమంలో సాంస్కృతిక ప్రదర్శనలకు అవకాశం దక్కించుకున్నాడు. ఆ తర్వాత తన టాలెంట్తో విశ్వవిఖ్యాత నటుడు ఎన్టీఆర్ దృష్టిలో పడ్డాడు.హైదరాబాద్‌లోని తెదేపా కార్యాలయంలో టెలిఫోన్ ఆపరేటర్‌గా, అనంతరం టీడీఎల్పీ కార్యాలయంలో లైబ్రరీ అసిస్టెంటుగా పనిచేశాడు. కొన్నాళ్లు ఎన్టీఆర్ ఇంట్లో అసిస్టెంట్‌గానూ పనిచేశాడు. నంద్యాల ఉప ఎన్నికల్లో తెలుగుదేశం పార్టీ తరఫున ప్రచారం చేశాడు.

ఎప్పటికైనా అసెంబ్లీ ఎన్నికల్లో కోదాడ నుంచి పోటీ చేసి..ఎమ్మెల్యేగా విజయం సాధించాలనేది ఆయన చిరకాల కోరిక. విషయాన్ని చాలా సార్లు ఆయన మీడియా ముందు బహిరంగంగానే చెప్పారు. గత అసెంబ్లీ ఎన్నికల్లో కోదాడ ఎమ్మెల్యే సీటుకి ఆయన నామినేషన్ కూడా వేశారు. అయితే... ఎమ్మెల్యే అవ్వాలన్న ఆయన కోరిక తీరకుండా కన్నుమూయడం విషాదం.

వేణుమాధవ్.... ఆ కోరిక తీరకుండానే..

Related Posts