బీజేపీలో చేరుతున్నాం: సుజనా వెల్లడి

కేంద్ర మంత్రి అమిత్ షా సమక్షంలో బీజేపీలో చేరుతున్నట్టుగా మాజీ కేంద్ర మంత్రి సుజనా చౌదరి ప్రకటించారు.

న్యూఢిల్లీ: కేంద్ర మంత్రి అమిత్ షా సమక్షంలో బీజేపీలో చేరుతున్నట్టుగా మాజీ కేంద్ర మంత్రి సుజనా చౌదరి ప్రకటించారు.

గురువారం నాడు న్యూఢిల్లీలో  సుజనా చౌదరి మీడియాతో మాట్లాడారు.  తాము బీజేపీలో చేరాలని నిర్ణయం తీసుకొన్నట్టుగా  ఆయన తెలిపారు.సాయంత్రం ఏడు గంటలకు తాను అన్ని విషయాలను వెల్లడించనున్నట్టు చెప్పారు. మీడియా ప్రతినిధులు ప్రశ్నలకు సుజనా చౌదరి సమాధానం చెప్పలేదు.

అన్ని విషయాలను మీడియా సమావేశం ఏర్పాటు చేసి వివరించనున్నట్టు తెలిపారు. మోడీ ప్రభుత్వం నుండి వైదొలగడాన్ని  అప్పుడు మంత్రిగా ఉన్న సుజనా చౌదరి వ్యతిరేకించారు. 

మంత్రివర్గం నుండి బయటకు వచ్చినా కూడ కనీసం ఎన్డీఏలో కొనసాగాలని తాను సూచించినా కూడ చంద్రబాబు వినలేదని  సుజనా చౌదరి మీడియాకు ఇటీవల చెప్పారు.

ఎన్నికల సమయంలో  టీడీపీకి చెందిన ప్రజా ప్రతినిధులు, నేతలు లక్ష్యంగా  ఈడీ, ఐటీ దాడులు కొనసాగిన విషయం తెలిసిందే. రాజ్యసభలో టీడీపీ ఎంపీల్లో ముగ్గురు చంద్రబాబుకు అత్యంత సన్నిహితులు. 

సుజనా చౌదరి, సీఎం రమేష్, గరికపాటి మోహన్ రావులు అత్యంత సన్నిహితులు. టీజీ వెంకటేష్ 2014 ఎన్నికల ముందు కాంగ్రెస్ నుండి టీడీపీలోకి వచ్చారు. అంతకు ముందు కూడ ఆయన టీడీపీలో కొంతకాలం ఉండి... ఆ తర్వాత కాంగ్రెస్ లో చేరారు.

సంబంధిత వార్తలు