బీజేపీలో రాజ్యసభ ఎంపీల చేరిక చంద్రబాబుకు ముందే తెలుసు

 తాము పార్టీ మారుతన్నట్టుగా  వారం రోజుల క్రితమే టీడీపీ చీఫ్ చంద్రబాబుకు చెప్పినట్టుగా ఎంపీ టీజీ వెంకటేష్ ప్రకటించారు.  

న్యూఢిల్లీ:  తాము పార్టీ మారుతన్నట్టుగా  వారం రోజుల క్రితమే టీడీపీ చీఫ్ చంద్రబాబుకు చెప్పినట్టుగా ఎంపీ టీజీ వెంకటేష్ ప్రకటించారు.

గురువారం నాడు ఆయన ఓ మీడియా ఛానెల్‌కు ఇంటర్వ్యూ ఇచ్చారు. పార్టీని వీడొద్దని చంద్రబాబు నాయుడు తమకు సూచించారని ఆయన గుర్తు చేశారు.రాజ్యసభలో టీడీపీ ఎంపీలు పార్టీని వీడుతారనే విషయం చంద్రబాబుకు ముందే తెలుసునని టీజీ వెంకటేష్ మాటలను బట్టి అర్ధమౌతోంది.ప్రజాభిప్రాయం మేరకే తాము  బీజేపీలో చేరాలని  నిర్ణయం  తీసుకొన్నట్టుగా  టీజీ వెంకటేష్ చెప్పారు.

రాయలసీమ అభివృద్ది కోసమే  బీజేపీలో చేరాలని నిర్ణయం తీసుకొన్నామని చెప్పారు. విద్యార్థి దశలోనే తాను బీజేపీ  అనుబంధ సంస్థలో పనిచేసినట్టుగా ఆయన గుర్తు చేశారు. టీడీపీకే  రాజీనామా చేశామని.... ఎంపీ పదవికి మాత్రం రాజీనామా చేయలేదన్నారు. తాము నలుగురు ఎంపీలు సంతకాలు చేసి రాజ్యసభ ఛైర్మెన్‌కు లేఖను ఇచ్చామన్నారు.