జగన్‌పై దాడి: సీసీటీవి పుటేజీ స్వాధీనం, శ్రీనివాసరావు కదలికలపై ఆరా

విశాఖ ఎయిర్‌పోర్ట్‌లో నెల రోజుల  సీసీటీవీ పుటేజీని సిట్ బృందం సేకరించింది. 

విశాఖపట్టణం: విశాఖ ఎయిర్‌పోర్ట్‌లో నెల రోజుల  సీసీటీవీ పుటేజీని సిట్ బృందం సేకరించింది. ఈ సీసీటీవీ పుటేజీ ఆధారంగా వైసీపీ చీఫ్ వైఎస్ జగన్‌పై దాడి చేసిన నిందితుడు శ్రీనివాసరావు‌ కదలిలకలపై పోలీసులు ఆరా తీస్తున్నారు.

అక్టోబర్ 25వ తేదీన వైసీపీ చీఫ్ వైఎస్ జగన్‌పై శ్రీనివాసరావు అనే యువకుడు విశాఖ ఎయిర్‌పోర్ట్‌లో దాడికి పాల్పడ్డాడు.  ఈ దాడికి పాల్పడిన  ఘటనపై విశాఖ పోలీసులు దర్యాప్తు చేస్తున్నారు.  ఏపీ డీజీపీ ఈ కేసు విచారణకు ప్రత్యేకంగా  నాగేశ్వరరావు నేతృత్వంలో  సిట్ ఏర్పాటు చేశారు.అయినా విశాఖ సీపీ మహేష్ చంద్ర లడ్ఢా కూడ ఈ కేసును పర్యవేక్షిస్తున్నారు.

నెల రోజులుగా విశాఖ ఎయిర్‌పోర్ట్‌ సీసీటీవీ పుటేజీని పోలీసులు  సేకరించారు.ఈ నెల రోజులుగా  శ్రీనివాసరావు కదలికలపై సీసీటీవీ పుటేజీ ఆధారంగా  పోలీసులు ఆరా తీసయనున్నారు.  ఆరు మాసాలుగా  శ్రీనివాసరావు కదలికలపై కూడ  పోలీసులు సమాచారాన్ని సేకరిస్తున్నారు.

ముమ్మడివరం మండంలంలోని ధనియాపాలెం నుండి కత్తిని   శ్రీనివాసరావు తీసుకొచ్చినట్టుగా  పోలీసులు గుర్తించారు. అయితే  శ్రీనివాసరావు ఎయిర్ పోర్ట్‌లోకి కత్తిని ఎలా తీసుకొచ్చారనే విషయమై కూడ  పోలీసులు ఆరా తీస్తున్నారు.

అత్యంత భద్రత గల ఎయిర్‌పోర్ట్‌లోకి  ఎవరి సహాయంతో  శ్రీనివాసరావును కత్తిని ఎలా తెచ్చారనే విషయమై ఆరా తీస్తున్నారు.శ్రీనివాసరావుకు ఎవరు సహకరించారనే విషయాలపై పోలీసులు దర్యాప్తు చేస్తున్నారు.

జగన్‌పై దాడికి ముందు శ్రీనివాసరావు ఎవరితో కలిశాడు... ఈ ఘటనకు పాల్పడేందుకు ఎవరి సహకారం తీసుకొన్నాడనే కోణంలో కూడ దర్యాప్తు చేస్తున్నారు పోలీసులు. మరోవైపు  శ్రీనివాసరావు ఆర్థిక వ్యవహరాలపై కూడ పోలీసులు కేంద్రీకరించారు. ఒకే సిమ్  వాడినప్పటికి 9 సెల్‌ఫోన్లను శ్రీనివాసరావు మార్చాడు. ఎందుకు తొమ్మిది సెల్‌పోన్లను మార్చాడనే విషయంపై కూడ పోలీసులు  విచారణ చేస్తున్నారు.

సంబంధిత వార్తలు