జగన్‌పై దాడికి ముందు శ్రీనివాస్ నుంచి ఆ మహిళకే ఎక్కువ ఫోన్ కాల్స్

వైఎస్సార్‌సిపి అధినేత జగన్మోహన్ రెడ్డి పై దాడికి పాల్పడిన శ్రీనివాస్ ను సిట్ బృందం ప్రత్యేక విచారణ చేపట్టిన విషయం తెలిసిందే. గత మూడు రోజులుగా అతడిని విచారించడంతో పాటు అతడి నుండి స్వాధీనం చేసుకున్న సెల్ ఫోన్ల ఆధారంగా పోలీసులు దర్యాప్తు చేస్తున్నారు. ఇప్పటి వరకు అతను ఉపయోగించిన 7 సెల్ ఫోన్ల  నుండి ఎవరెవరికి కాల్స్ చేశాడన్న దానిపై దర్యాప్తు చేస్తున్నారు. 

అయితే అతడు జగన్ పై దాడికి ముందు ప్రకాశం జిల్లా కనిగిరి ప్రాంతానికి చెందిన ఓ మహిళతో ఎక్కువసార్లు పోన్లో మాట్లాడినట్లు పోలీసులు గుర్తించారు. దీంతో ఆ ఫోన్ నంబర్ ఆధారంగా సదరు మహిళను గుర్తించిన పోలీసులు ఆమెతో పాటు మరో ఇద్దరిని అదుపులోకి తీసుకున్నట్లు సమాచారం. జగన్ పై జరిగిన దాడికి ఆ మహిళకు ఏమైనా సంబంధం ఉందా అన్న కోణంలో విచారణ చేస్తున్నారు.  

 శ్రీనివాస్ సెల్ ఫోన్లు, సిమ్ లు చాలాసార్లు మార్చినట్లు పోలీసులు గుర్తించారు. అలాగే అతడితో కలిసి పనిచేసే ఉద్యోగుల ఫోన్లను కూడా ఉపయోగించేవాడని తేలింది. దీంతో పోలీసులు శ్రీనివాస్ తో పాటు పనిచేసే వారి కాల్ డాటాను కూడా సేకరిస్తున్నారు.  

మరిన్ని వార్తలు