అభిమానితో జగన్ కత్తితో పొడిపించుకున్నారు: కేశినేని నాని

ప్రజల సానుభూతి పొందేందుకు ఛీప్‌ ట్రిక్స్ ప్లే చేస్తున్నారని కేశినేని జగన్ పై విరుచుకుపడ్డారు. వాస్తవంగా‌ దాడి జరిగితే వైజాగ్‌లోనే ఆస్పత్రికి ఎందుకు వెళ్లలేదని ఆయన ప్రశ్నించారు.

హైదరాబాద్: వైఎస్సార్ కాంగ్రెసు పార్టీ అధ్యక్షుడు వైఎస్ జగన్‌పై దాడి ఘటన అంతా డ్రామా అని తెలుగుదేశం పార్టీ పార్లమెంటు సభ్యుడు కేశినేని నాని ఆరోపించారు. అభిమానితో పొడిపించుకుని జగన్ నాటకాలాడుతున్నారని ఆయన అన్నారు. ప్రజల సానుభూతి పొందేందుకు ఛీప్‌ ట్రిక్స్ ప్లే చేస్తున్నారని కేశినేని జగన్ పై విరుచుకుపడ్డారు. 

వాస్తవంగా‌ దాడి జరిగితే వైజాగ్‌లోనే ఆస్పత్రికి ఎందుకు వెళ్లలేదని ఆయన ప్రశ్నించారు. హైదరాబాద్‌ వెళ్లి లోటస్‌పాండ్‌లో మీటింగ్ పెట్టి ఆస్పత్రికి వెళ్లారని ఆయన అన్నారు. శివాజీ చెప్పినట్టుగా ఆపరేషన్‌ గరుడతో కుట్రలు చేస్తున్నారని కేశినేని నాని అన్నారు.

జగన్‌పై దాడిని ఖండిస్తున్నామని మంత్రి ఆదినారాయణరెడ్డి అన్నారు. జగన్‌పై దాడి ఘటన ఎన్నో అనుమానాలకు తావిస్తోందని ఆదినారాయణరెడ్డి తెలిపారు. ప్లాన్ ప్రకారమే జగన్‌పై దాడి చేసినట్టు ఉందని ఆయన అన్నారు. 

దాడికి పాల్పడిన వారిని ఉరితీయాలని మంత్రి మంత్రి డిమాండ్ చేశారు. ఈ విషయంలో గవర్నర్ రెచ్చగొట్టేలా వ్యవహరించారని మంత్రి ఆయన అన్నారు.

సంబంధిత వార్తలు