జగన్ పై దాడి: చంద్రబాబు వ్యాఖ్యలపై పవన్ కల్యాణ్ ఫైర్

పవన్, జగన్, బిజెపి, కేసిఆర్ ఏకమై తమను లక్ష్యంగా చేసుకున్నారనేది అర్థమవుతోందని చంద్రబాబు అన్నారు. చంద్రబాబు తమను అకారణంగా నిందిస్తున్నారని పవన్ కల్యాణ్ అన్నారు.

అమరావతి: వైఎస్సార్ కాంగ్రెసు పార్టీ అధ్యక్షుడు వైఎస్ జగన్మోహన్ రెడ్డిపై దాడిపై స్పందించిన తనపై ఆంధ్రప్రదేశ్ ముఖ్యమంత్రి నారా చంద్రబాబు నాయుడు చేసిన వ్యాఖ్యలపై జనసేన అధినేత పవన్ కల్యాణ్ స్పందించారు.  ప్రతిపక్ష నేత జగన్‌పై జరిగిన దాడిని ఖండించినందుకు చంద్రబాబు తమను విమర్శించడమేమిటని ఆయన ప్రశ్నించారు. 

ఉరుము ఉరిమి మంగళం మీద పడ్డట్టు ఎక్కడ ఏం జరిగినా ముఖ్యమంత్రి, అయన వర్గీయులు తమ మీద పడి ఎందుకు ఏడుస్తారని పవన్ కల్యాణ్ అన్నారు. పవన్‌, కేటీఆర్, గవర్నర్ నరసింహన్‌లపై చంద్రబాబు మీడియా సమావేశంలో తీవ్ర వ్యాఖ్యలు చేసిన విషయం తెలిసిందే. 

పవన్, జగన్, బిజెపి, కేసిఆర్ ఏకమై తమను లక్ష్యంగా చేసుకున్నారనేది అర్థమవుతోందని చంద్రబాబు అన్నారు. చంద్రబాబు తమను అకారణంగా నిందిస్తున్నారని పవన్ కల్యాణ్ అన్నారు.

సంబంధిత వార్తలు