19 గంటలు నిర్భంధం: జయరామ్‌కు రాకేష్ చిత్రహింసలు

 19 గంటల పాటు జయరామ్‌ను రాకేష్ రెడ్డి చిత్రహింసలు పెట్టిన తర్వాత  హత్య చేశారని పోలీసుల విచారణలో రాకేష్ రెడ్డి ఒప్పుకొన్నట్టు సమాచారం. రీనా అనే మహిళ పేరుతో  రాకేష్ రెడ్డి జయరామ్‌కు వల వేశారు

హైదరాబాద్:  19 గంటల పాటు జయరామ్‌ను రాకేష్ రెడ్డి చిత్రహింసలు పెట్టిన తర్వాత  హత్య చేశారని పోలీసుల విచారణలో రాకేష్ రెడ్డి ఒప్పుకొన్నట్టు సమాచారం. రీనా అనే మహిళ పేరుతో  రాకేష్ రెడ్డి జయరామ్‌కు వల వేశారు.

గత నెల 30 వ తేదీన జయరామ్‌ను ఇంటికి  రావాలని  రీనా పేరుతో  రాకేష్ రెడ్డి జయరామ్‌తో చాటింగ్ చేశారు. తన ఇంట్లో ఎవరూ లేరని రావాల్సిందిగా కోరారు.అమ్మాయిల బలహీనత ఉన్న జయరామ్‌ ఈ చాటింగ్‌ ఆధారంగా రాకేష్ రెడ్డి ఇంటికి చేరుకొన్నాడు. 

అయితే డ్రైవర్ సహా ఎవరూ లేకుండా ఒంటరిగా రావాలని కోరడంతో   ఒంటరిగానే  ఆయన అక్కడికి చేరుకొన్నాడు. రీనా చెప్పిన అడ్రస్ రాకేష్ రెడ్డి ఇల్లుగా గుర్తించిన జయరామ్  తిరిగి వెళ్లే లోపుగానే రాకేష్ రెడ్డి  అనుచరుడు జయరామ్‌ను బలవంతంగా ఇంట్లోకి తీసుకెళ్లాడు.

తనకు ఇవ్వాల్సిన నాలుగున్నర కోట్ల రూపాయాల గురించి రాకేష్ రెడ్డి జయరామ్‌ను నిలదీశాడు. ఈ విషయమై రాకేష్ రెడ్డి జయరామ్‌పై పిడిగుద్దులు గుద్దినట్టు పోలీసుల విచారణలో ఒప్పుకొన్నట్టు తెలుస్తోందని   ఓ టీవీ ఛానెల్ కథనాన్ని ప్రసారం చేసింది.

30వ తేదీన రాకేష్ రెడ్డి ఇంటికి చేరుకొన్న జయరామ్‌ను 19 గంటల పాటు అక్కడే బంధించి చిత్రహింసలు పెట్టారు. జయరామ్ ఫోన్ చేయడంతో రూ.6 లక్షలను రాకేష్ రెడ్డి మనిషికి ఈశ్వర ప్రసాద్ ఓ హోటల్ రూమ్‌లో అప్పగించారు.

అయితే నాలుగున్నర కోట్లు చెల్లించాల్సి ఉంటే కేవలం నాలుగున్నర లక్షలే చెల్లించడంపై రాకేష్ రెడ్డి  ఆగ్రహంతో ఊగిపోయారు.కోపాన్ని పట్టలేక దిండుతో జయరామ్ ముఖంపై అదమడంతో ఆయన చనిపోయినట్టుగా విచారణలో చెప్పినట్టు తెలుస్తోంది.

సంబంధిత వార్తలు