Agnipath scheme: కేంద్ర ప్ర‌భుత్వం తీసుకువ‌చ్చిన అగ్నిపథ్ స్కీమ్ కు వ్య‌తిరేకంగా సుప్రీంకోర్టులో మూడో పిటిష‌న్ దాఖ‌లు అయింది.  సంబంధిత పిటిష‌న్లు అగ్నిప‌థ్ స్కీమ్ ను నిలిపివేయాల‌ని డిమాండ్ చేస్తున్నాయి. 
 

సికింద్రాబాద్ రైల్వే స్టేషన్ లో విధ్వంసానికి సంబంధించి  మరో 15 మందిని సిట్ బృందం అదుపులోకి తీసుకొని ప్రశ్నిస్తున్నారు.ఈ విధ్వంసం వెనుక ఎవరెవరి పాత్ర ఉందనే విషయాలపై పోలీసులు ఆరా తీస్తున్నారు. ఇప్పటికే 56 మందిని పోలీసులు అరెస్ట్ చేశారు. 

నాలుగేళ్ల పాటు అగ్నివీర్ లుగా పని చేసి వచ్చిన వారికి తమ రాష్ట్ర ప్రభుత్వ ఉద్యోగాలు ఇస్తామని హర్యానా సీఎం మనోహర్ లాల్ ఖట్టర్ అన్నారు. పోలీసు ఉద్యోగాలతో పాటు గ్రూప్ సీ ఉద్యోగాల్లో ప్రియారిటీ ఇస్తామని ప్రకటించారు. 

సికింద్రాబాద్ రైల్వే స్టేషన్ విధ్వంసం పక్కా ప్రణాళిక ప్రకారమే జరిగినట్లు తెలుస్తోంది. కొన్ని డిఫెన్స్ అకాడమీల ప్రతినిధులు ఇప్పుడు కాకపోతే.. మరెప్పుడూ జవాన్లు కాలేరని అభ్యర్థులను రెచ్చగొట్టినట్టు సమాచారం. 

Agnipath Protests: టాటా, మహీంద్రాతో సహా అనేక భారతీయ కంపెనీలు అగ్నిపత్ పథకాన్ని ప్రశంసించాయి. ఈ కంపెనీలు అగ్నివీర్లకు ఉద్యోగాలు ఇస్తామని కూడా ప్రకటించాయి. TATA మహీంద్రాతో స‌హా ఇతర భారతీయ కంపెనీలు అగ్నిపథ్ పథకాన్ని మెచ్చుకున్నాయి, అగ్నివీర్లకు ఉద్యోగాలను అందిస్తామ‌ని ప్ర‌క‌టించాయి.
 

అగ్నిపథ్ స్కీంపై ఇండియన్ నేవీ చీఫ్ అడ్మైరల్ ఆర్ హరి కుమార్ కీలక వ్యాఖ్యలు చేశారు. ఈ స్కీం ఇప్పటికిప్పుడు రూపొందించినది కాదని, రెండేళ్లుగా ఈ స్కీం గురించి కసరత్తులు జరుగుతున్నాయని వివరించారు. అలాగే, ఈ స్కీం అభ్యర్థులు తాము సైన్యంలో ఇమిడిపోగలమా? లేదా? అనే తెలుసుకునే సదవకాశం ఉంటుందని, ఇమిడిపోకుంటే బయటకు వెళ్లవచ్చని, లేదంటే.. అందులోనే కొనసాగడానికి దరఖాస్తు చేసుకోవచ్చని వివరించారు.
 

సికింద్రాబాద్ రైల్వే స్టేషన్  విధ్వంసం కేసులో ప్రధాన నిందితుడు మధుసూదన్ గా గుర్తించినట్టుగా పోలీసులు రిమాండ్ రిపోర్టులో పేర్కొన్నారు.డీజీల్ ట్యాంక్ కు నిప్పు పెట్టే ప్రయత్నం చేసిన సమయంలో కాల్పులు జరిపినట్టుగా పోలీసులు పేర్కొన్నారు. ఈ ఘటనలో ఒకరు మరణించగా, మరో 11 మంది గాయపడ్డారని  రిమాండ్ రిపోర్టు తెలిపిందని మీడియా కథనాలు ప్రసారం చేసింది. 

అగ్నిపథ్ స్కీంపై ప్రధాని మోడీ కీలక వ్యాఖ్యలు చేశారు. కొన్ని నిర్ణయాలు మొదట్లో సరిగా లేనట్టుగా కనిపిస్తాయని, కానీ, రానూ రానూ అవి దేశ నిర్మాణంలో దోహదపడుతాయని తెలిపారు. ప్రధాని మోడీ ఈ రోజు కర్ణాటక పర్యటనలో ఉన్నారు.
 

సికింద్రాబాద్ రైల్వే స్టేషన్ లో జరిగిన విధ్వంసానికి కారణమైన వాట్సాప్ గ్రూపుల ఆడ్మిన్లను పోలీసులు అదుపులోకి తీసుకుని విచారణ చేస్తున్నారు. ఈ వాట్సాప్ గ్రూపుల్లో రెచ్చగొట్టే విధంగా పోస్టులు పెట్టిన విషయాన్ని కూడా దర్యాప్తు అధికారులు గుర్తించారు. 
 

Bharat Bandh: అగ్నిపథ్‌కు వ్యతిరేకంగా కాంగ్రెస్ నిరసనల‌తో పాటు రాహుల్ గాంధీని లక్ష్యంగా చేసుకుని ప్రతీకార రాజకీయాలు బీజేపీ స‌ర్కారు దిగుతున్న‌ద‌నే ఆరోపిస్తూ దేశ‌వ్యాప్తంగా కాంగ్రెస్ ఆందోళ‌న‌లు చేస్తోంది.