సామూహిక ఆత్మహత్యలే ... పురుగుమందు డబ్బాలతో పల్నాడు రైతుల ఆందోళన

దాచేపల్లి : పొలాలకు వెళ్లే దారులను భవ్య సిమెంట్ ప్యాక్టరీ యాజమాన్యం ఆక్రమించుకుందని.. దీంతో తాము ఇబ్బందులకు గురవుతున్నామని పల్నాడు జిల్లా దాచేపల్లి మండలం తంగెడ గ్రామస్తులు ఆరోపించారు. వెంటనే తమ భూములకు వెళ్లేందుకు గతంలో మాదిరిగా దారి వదలాలని రైతులు కోరారు. లేదంటే సామూహిక ఆత్మహత్యలకు పాల్పడతామని హెచ్చరిస్తూ పురుగు మందు డబ్బాలతో భవ్య ప్యాక్టరీ మెయిన్ గేట్ వద్ద రైతులు ఆందోళనకు దిగారు. ఇప్పటికే ఎమ్మార్వో, ఆర్డిఓతో పాటు జిల్లా కలెక్టర్ కు కూడా భవ్య ప్యాక్టరీ భూఆక్రమణలపై ఫిర్యాదు చేసినా పట్టించుకోవడం లేదని... అందువల్లే ఆందోళనకు దిగినట్లు బాధిత రైతులు తెలిపారు.