2014లో జీరో: ఆ తర్వాతే రేవంత్‌పై కేసుల చిట్టా

కాంగ్రెస్ పార్టీ వర్కింగ్ ప్రెసిడెంట్  రేవంత్‌రెడ్డిపై 36 కేసులు ఉన్నాయి. 

revanth reddy

హైదరాబాద్: కాంగ్రెస్ పార్టీ వర్కింగ్ ప్రెసిడెంట్ రేవంత్‌రెడ్డిపై 36 కేసులు ఉన్నాయి. ఓటుకు నోటు కేసు సహా 36 కేసులు ఈ నాలుగు ఏళ్లలో నమోదయ్యాయి.

2014 ఎన్నికల సమయంలో రేవంత్ రెడ్డి దాఖలు చేసిన అఫిడవిట్‌లో ఒక్క కేసు కూడ లేదు. కానీ, ఈ నాలుగేళ్లలో మాత్రమే రేవంత్ రెడ్డిపై 36 కేసులు నమోదయ్యాయి.

 రేవంత్‌పై నమోదైన కేసుల్లో ఎక్కువగా శాంతిభద్రతలకు విఘాతం కల్పిస్తున్నారనే కేసులు ఎక్కువగా ఉండడం గమనార్హం. గతంలో తెలంగాణ రాష్ట్రంలో జరిగిన ఎమ్మెల్సీ ఎన్నికల సమయంలో నమోదైన ఓటుకు నోటు కేసులో కూడ రేవంత్‌రెడ్డి నిందితుడుగా ఉన్నాడు. 

మరోవైపు ప్రైవేట్ మెడికల్ కాలేజీల నుండి సీఎం కేసీఆర్ ముడుపులు తీసుకొన్నారని రేవంత్ రెడ్డి చేసిన ఆరోపణలపై కూడ కేసు ఉంది. గత ఎన్నికల సమయానికి ఒక్క కేసు కూడ లేకపోయినా... ఈ ఎన్నికల నాటికి రేవంత్ రెడ్డిపై 36 కేసులు నమోదు కావడం గమనార్హం.

తనపై నమోదైన కేసుల వివరాల కోసం రేవంత్ రెడ్డి హైకోర్టును ఆశ్రయించారు. రేవంత్ పై నమోదైన కేసుల వివరాలను ఇవ్వాలని హైకోర్టు తెలంగాణ పోలీసు శాఖ ఆదేశాలు జారీ చేసింది. దీంతో ఎన్నికల అఫిడవిట్‌లో రేవంత్ తనపై నమోదైన కేసుల వివరాలను సమర్పించారు.

రేవంత్‌రెడ్డికి రూ.1,74,97,421 చరాస్తులు,, రూ.2,02,69,000 స్థిరాస్తులు ఉన్నాయి. రేవంత్ సతీమణి పేరిట చరాస్తులు రూ.2,27,79,935, రూ.2,36,40,000 స్థిరాస్తులున్నాయి. 

సంబంధిత వార్తలు

రేవంత్ రెడ్డిపై పోటీ చేసే టీఆర్ఎస్ అభ్యర్థి ఎవరో తెలుసా?
స్పీకర్ ఫార్మాట్ లో ఎమ్మెల్యే పదవికి రేవంత్ రాజీనామా