ప్రణయ్ హత్య కలచివేసింది: అమృతకు ఎర్రోళ్ల శ్రీనివాస్ పరామర్శ

ప్రణయ్ హత్య కుల దురహంకారానికి పరాకాష్టగా తెలంగాణ రాష్ట్ర ఎస్సీ ఎస్టీ కమిషన్ చైర్మన్ డా. ఎర్రోళ్ల శ్రీనివాస్ అభివర్ణించారు. మిర్యాలగూడ లో పరువు హత్యకు గురైన దళిత యువకుడు ప్రణయ్ కుటుంబాన్ని ఆయన సందర్శించి, తన ప్రగాఢ సానుభూతి తెలియజేశారు. 

errolla srinivas

మిర్యాలగుడా: ప్రణయ్ హత్య కుల దురహంకారానికి పరాకాష్టగా తెలంగాణ రాష్ట్ర ఎస్సీ ఎస్టీ కమిషన్ చైర్మన్ డా. ఎర్రోళ్ల శ్రీనివాస్ అభివర్ణించారు. మిర్యాలగూడ లో పరువు హత్యకు గురైన దళిత యువకుడు ప్రణయ్ కుటుంబాన్ని ఆయన సందర్శించి, తన ప్రగాఢ సానుభూతి తెలియజేశారు. 

దేశంలోనే పెను సంచలనం సృష్టించిన ఈ దుర్ఘటన తమ హృదయం ను తీవ్రంగా కలచివేసిందని, సభ్య సమాజం తలదించుకునేలా చేసిందని ఆయన ఈ సందర్భంగా అన్నారు.

70 ఏళ్ల స్వాతంత్ర భారతదేశంలో ఇంకా ఇటువంటి పాశవిక చర్యలకు పాల్పడం అనాగరికమని, కుల పైశాచికత్వనికి పరాకాష్టని, అభివృద్ధి పథంలో ముందుకు పోతున్న తెలంగాణలోనూ ఇటువంటి పాశవిక చర్యలను అందరూ ఖండించాలని చైర్మన్ పిలుపునిచ్చారు. నిందితులు ఎంతటివారైనా కఠినాతి కఠినంగా శిక్షించి, ఇటువంటి చర్యలు పునరావృతం కాకుండా చూడాలని అయన పోలీస్ అధికారులకు సూచించారు.

షాకుకు గురై ఆసుపత్రిలో చికిత్స పొందుతున్న హతుని భార్య అమృతను కూడా ఆయన పరామర్శించారు. కమిషన్ అండగా ఉంటుందని ఆయన ఆమెకు భరోసా కల్పించారు. ఆయనతో స్థానిక శాసనసభ్యులు శ్రీ భాస్కర రావు, కమిషన్ సభ్యులు శ్రీ బొయిళ్ల విద్యాసాగర్, శ్రీ యం రాంబల్ నాయక్, శ్రీ చిల్కమర్రి నరసింహ్మ, జిల్లా ఎస్పీ శ్రీ రంగనాథ్ ఉన్నారు.

ఈ వార్తాకథనాలు చదవండి