ఒంట్లో కొలెస్ట్రాల్ ఎక్కువైతే గుండె జబ్బులొస్తయ్.. తగ్గాలంటే ఇలా చేయండి
శరీరంలో చెడు కొలెస్ట్రాల్ పేరుకుపోతే గుండె జబ్బులతో పాటుగా ఎన్నో ఇతర రోగాలు కూడా వస్తాయి. అందుకే వీలైనంత తొందరగా కొలెస్ట్రాల్ లెవెల్స్ ను తగ్గించుకోవాలి.
మన శరీరంలో కొలెస్ట్రాల్ ఎక్కువతై హృదయ సంబంధ వ్యాధులు వస్తాయి. ఈ బ్యాడ్ కొలెస్ట్రాల్ గుండెపోటు, స్ట్రోక్, పరిధీయ ధమనుల వ్యాధికి దారితీస్తుంది. ఎందుకంటే కొవ్వు నిల్వలు రక్త నాళాలలో పేరుకుపోతాయి. దీంతో ధమనుల గుండా తగినంత రక్తం ప్రవహించదు. స్థూలకాయం, ధూమపానం, శారీరక శ్రమ లేకపోవడం, ఫైబర్ అధికంగా ఉండే ఆహారాన్ని తక్కువగా తీసుకోవడం, అనారోగ్యకరమైన కొవ్వులు తినడం వల్ల శరీరంలో కొలెస్ట్రాల్ స్థాయిలు పెరుగుతాయి. అయితే కొన్ని సింపుల్ చిట్కాలతో కొలెస్ట్రాల్ స్థాయిలను తగ్గించుకోచ్చు. అదెలాగంటే..
వ్యాయామం చేయండి
రెగ్యులర్ గా వ్యాయామం చేయడం వల్ల కొలెస్ట్రాల్ స్థాయిలు అదుపులో ఉంటాయి. వ్యాయామం అధిక-సాంద్రత కలిగిన లిపోప్రొటీన్ (హెచ్డిఎల్) కొలెస్ట్రాల్ ను పెంచడానికి సహాయపడుతుంది. ఇది "మంచి" కొలెస్ట్రాల్. మంచి కొలెస్ట్రాల్ పెరిగితే ఆటోమెటిక్ గా చెడు కొలెస్ట్రాల్ తగ్గిపోతుంది. ఈత, యోగా, రన్నింగ్, పిలేట్స్, వెయిట్ ట్రైనింగ్ లేదా జాగింగ్ వంటి మీకు నచ్చిన ఏదైనా ఒక వ్యాయామాన్ని వారానికి కనీసం 30 నిమిషాలు చేయండి. వారిని 5 రోజులు రోజూ 30 నిమిషాలు వ్యాయామం చేస్తే కొలెస్ట్రాల్ బాగా తగ్గుతుంది.
ధూమపానం మానేయండి
స్మోకింగ్ మన శరీరంలో ఎల్డిఎల్ లేదా చెడు కొలెస్ట్రాల్ స్థాయిలను బాగా పెంచుతుందని ఎన్నో అధ్యయనాలు నిరూపించాయి.ఇది చివరకు గుండెపోటుకు దారితీస్తుంది. అందుకే స్మోకింగ్ ను మానేస్తే గుండె జబ్బుల ప్రమాదం చాలా వరకు తగ్గుతుంది.
సరైన బరువును మెయింటైన్ చేయడం
అధిక బరువు లేదా ఊబకాయం ఉండటం వల్ల శరీరంలో చెడు కొలెస్ట్రాల్ స్థాయిలు పెరిగిపోతాయి. మీరు బరువు తగ్గితే మీ కొలెస్ట్రాల్ స్థాయిలు కూడా తగ్గిపోతాయని అనేక అధ్యయనాలు కనుగొన్నాయి. బరువు తగ్గడం వల్ల కొత్త కొలెస్ట్రాల్ ను ఉత్పత్తి చేసే కాలేయం సామర్థ్యాన్ని తగ్గించడం ద్వారా మొత్తం కొలెస్ట్రాల్ తగ్గుతుంది. బరువు తగ్గడం వల్ల మంచి కొలెస్ట్రాల్ పెరుగుతుంది. చెడు కొలెస్ట్రాల్ తగ్గుతుంది.
ఆరోగ్యకరమైన ఆహారం
తాజా పండ్లు, కూరగాయలు, తృణధాన్యాలు, పప్పుధాన్యాలు, కాయధాన్యాలు, విత్తనాలు, గింజలతో కూడిన సమతుల్య ఆహారాన్ని రోజూ తినండి. జంక్, స్పైసీ, ఆయిల్, తయారుగా ఉన్న, ప్రాసెస్ చేసిన ఆహారాలను అస్సలు తినకండి. ఎందుకంటే ఇవి చెడు కొలెస్ట్రాల్ ను పెంచుతాయి. ముఖ్యంగా చెడు కొలెస్ట్రాల్ ను తగ్గించే ఒక రకమైన కరిగే ఫైబర్ అయిన పెక్టిన్ కలిగి ఉన్న సిట్రస్ ఆహారాన్ని ఎక్కువగా తినండి. ఒమేగా -3 కొవ్వు ఆమ్లాలు ఉన్న ఆహారాన్ని ఎక్కువగా తిన్నా కొలెస్ట్రాల్ స్థాయిలు తగ్గిపోతాయి. ఒమేగా -3 కొవ్వు ఆమ్లాలు రక్త ప్రవాహంలో ట్రైగ్లిజరైడ్లను తగ్గిస్తాయి. అసాధారణ గుండె లయల ప్రారంభాన్ని నివారించడానికి సహాయపడతాయి. ఇవి గుండెను కాపాడతాయి.
ఆల్కహాల్ మానేయండి
అతిగా మందును తాగడం వల్ల అధిక రక్తపోటు, గుండె ఆగిపోవడం, స్ట్రోక్ వంటి ప్రాణాంతక అనారోగ్య సమస్యలు వస్తాయి. అందుకే మందును ఎక్కువగా తాగకూడదు. తక్కువ మోతాదులో కూడా మందును తీసుకోవడం గుండె ఆరోగ్యానికి హానికరం అని అధ్యయనాలు సూచిస్తున్నాయి. ఆల్కహాల్ గుండె జబ్బుల ప్రమాదాన్ని తగ్గిస్తుందో లేదో ఇప్పటికీ అస్పష్టంగా ఉన్నప్పటికీ.. ఎక్కువగా మందును తాగడం వల్ల కాలేయం దెబ్బతింటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
