Hair Growth: ఇలా నూనె రాస్తే.. జుట్టు రాలడం కాదు, ఒత్తుగా పెరుగుతుంది..!
జుట్టు విపరీతంగా రాలిపోతుందని బాధపడుతున్నారా? ఎంత ఖరీదైన షాంపూలు వాడినా జుట్టు రాలడం ఆగడం లేదా? అయితే.. నూనె సరిగ్గా రాసే విధానంలో రాస్తే.. జుట్టు ఒత్తుగా పెరుగుతుంది.
హెయిర్ ఆయిల్ తో జుట్టు రాలడానికి చెక్
జుట్టు రాలడం అనేది చాలా మంది ఎదుర్కొంటున్న కామన్ సమస్య. వయసుతో సంబంధం లేకుండా పురుషులు, మహిళలు అందరూ ఈ సమస్యను ఫేస్ చేస్తున్నవారే. జుట్టు రాలే సమస్యకు చాలా కారణాలు ఉంటాయి.జన్యుపరమైన అంశాలు, పోషకార లోపం, ఒత్తిడి, హార్మోన్ల అసమతుల్యత, కాలుష్యం కూడా కారణం కావచ్చు. అయితే, ఈ సమస్య నుంచి బయటపడటానికి ఎవరైనా సరే మార్కెట్లో దొరికే నూనెలు, షాంపూలు వాడుతూ ఉంటారు. కానీ వాటిని వాడినా ప్రయోజనం ఉండకపోవచ్చు. కానీ, కేవలం మనం చిన్నతనం నుంచి వాడే కొబ్బరి నూనెతో ఈ జుట్టురాలే సమస్యను తగ్గించుకోవచ్చు. అదెలాగో ఇప్పుడు తెలుసుకుందాం..
నూనె రాయడం వల్ల కలిగే ప్రయోజనాలు
తలపై నూనె రాయడం వల్ల జుట్టు కుదుళ్లకు పోషణ లభిస్తుంది. ఇది రక్త ప్రసరణను మెరుగుపరచడం ద్వారా జుట్టు పెరుగుదల్ని ప్రోత్సహిస్తుంది. అంతేగాక, నూనె జుట్టుకు తేమను ఇస్తుంది. జుట్టు చివర్ల చిట్లడాన్ని నివారిస్తుంది. ఇది కేవలం జుట్టు ఆరోగ్యానికే కాదు, మెదడు విశ్రాంతికి, ఒత్తిడి తగ్గించుకోవడానికి కూడా సహాయపడుతుంది.
మీ జుట్టుకు సరిపడే నూనె ఎంపిక చేసుకోవడం ముఖ్యం..
ప్రతి వ్యక్తికి జుట్టు స్వభావం వేరు. అందువల్ల అందరికీ ఒకే నూనె ఉపయోగపడదు. కొబ్బరి నూనె జుట్టు దృఢంగా ఉండేందుకు సహాయపడుతుంది. ఆముదం నూనె (కాస్టర్ ఆయిల్) జుట్టు పెరుగుదల కోసం మంచి ఎంపిక. ఆర్గాన్ నూనె జుట్టు మెరిసేలా చేయడమే కాకుండా మృదువుగా మారుస్తుంది. బాదం నూనె పోషణ కోసం, ఆమ్లా నూనె జుట్టు నెరసిపోకుండా కాపాడుతుంది.
నూనె వేడి చేసి రాయడం ఎందుకు అవసరం?
నూనెను వేడి చేయడం ద్వారా అది తలచర్మంలో లోతుగా చొచ్చుకుపోయి మంచి ఫలితాలు ఇస్తుంది. వేడి చేసిన నూనెను వేళ్లతో తలపై మసాజ్ చేయడం వల్ల రక్త ప్రసరణ మెరుగవుతుంది. ఇది కేవలం జుట్టుకు కాదు, మానసికంగా కూడా ఓ రకమైన రిలీఫ్‌ను ఇస్తుంది. నూనె గోరువెచ్చగా మాత్రమే ఉండాలి.
నూనె ఎలా రాయాలి?
మీ జుట్టును విభజించి, మెల్లగా తలపై, జుట్టు పొడవునా నూనె రాయాలి. ముఖ్యంగా జుట్టు ఎక్కువగా రాలే ప్రాంతాలకు ఎక్కువగా మసాజ్ చేయాలి. రాత్రంతా నూనె ఉంచటం వల్ల ఇంకా మెరుగైన ఫలితాలు కనిపిస్తాయి. అయితే తల చర్మం జిడ్డు అయితే 1–2 గంటల వరకు ఉంచడమే సరిపోతుంది.
తలస్నానం చేయడం కూడా ముఖ్యమే..
నూనె రాసిన తర్వాత దాన్ని పూర్తిగా తొలగించకపోతే తలపై మలినాలు పేరుకోవచ్చు. కాబట్టి గోరువెచ్చని నీటితో జుట్టును తడిపి, సల్ఫేట్ లేని మైల్డ్ షాంపూను వాడాలి. అవసరమైతే రెండు సార్లు షాంపూ చేసి, కండిషనర్ ఉపయోగించాలి. ఇది జుట్టు తేమను నిలుపుకోవడంలో సహాయపడుతుంది.
లైఫ్ స్టైల్ మార్చుకోవడం..
క్రమం తప్పకుండా ఈ ప్రక్రియను కొనసాగించండి
వారానికి ఒకసారి లేదా రెండు సార్లు నూనె రాయడం వల్ల జుట్టు కుదుళ్లు బలపడతాయి. ఇది జుట్టు పెరుగుదలకు సహాయపడటంతోపాటు, దెబ్బతిన్న జుట్టు నెమ్మదిగా తిరిగి ఆరోగ్యంగా మారుతుంది. ముఖ్యంగా ఈ దినచర్యను నిరంతరం కొనసాగిస్తే, దీర్ఘకాలంలో మంచి ఫలితాలు కనబడతాయి.
ఆరోగ్యకరమైన జీవనశైలి కూడా అవసరం
నూనె రాయడమే కాదు, పోషకాహారంతో కూడిన ఆహారం, తగినంత నీరు, సరైన నిద్ర, రోజువారీ వ్యాయామం, ఒత్తిడి నివారణ వంటి లైఫ్ స్టైల్ మార్పులు కూడా జుట్టు ఆరోగ్యాన్ని ప్రభావితం చేస్తాయి. విటమిన్ A, C, D, E, B-కాంప్లెక్స్, ప్రోటీన్, జింక్, ఐరన్ వంటి పోషకాలు ఉండే ఆహారాలను తీసుకోవడం అవసరం.
