Hair Care: ఇవి రాస్తే, 15రోజుల్లో ఊడిన జుట్టు మళ్లీ పెరుగుతుంది..!
జుట్టు రాలడం ఆగాలంటే కెమికల్స్ ఉండే షాంపూలు, నూనెలు మాత్రమే వాడాలి అనే అభిప్రాయం ఉంటుంది. అవి వాడితేనే..జుట్టు రాలడం ఆగుతుంది అని అనుకుంటూ ఉంటారు.
జుట్టు బాగా రాలుతోందా?
ఈ రోజుల్లో దాదాపు అందరూ జుట్టు రాలే సమస్యతో బాధపడేవారే. కుప్పలు తెప్పలుగా జుట్టు ఊడిపోతుందని, ఖరీదైన నూనెలు, షాంపూలు వాడినా కూడా పెద్దగా ప్రయోజనం ఉండటం లేదని చాలా మంది ఫీలౌతుంటారు.మీరు కూడా ఇలాంటి సమస్యతో బాధపడుతున్నట్లయితే, మీ సమస్యకు పరిష్కారం మీ ఇంట్లోనే ఉంది. మీరు చదివింది నిజమే, మీ ఇంట్లో, మీ కిచెన్ లో ఉండే కొన్ని వస్తువులను వాడితే రాలిపోయిన జుట్టు మళ్లీ పెరుగుతుంది. అంతేకాదు.. మళ్లీ జుట్టు రాలుతుందనే భయం కూడా అక్కర్లేదు.
జుట్టు రాలడం తగ్గాలంటే...
జుట్టు రాలడం ఆగాలంటే కెమికల్స్ ఉండే షాంపూలు, నూనెలు మాత్రమే వాడాలి అనే అభిప్రాయం ఉంటుంది. అవి వాడితేనే..జుట్టు రాలడం ఆగుతుంది అని అనుకుంటూ ఉంటారు. కొన్నింటిని వాడటం వల్ల నిజంగానే జుట్టు రాలడం ఆగొచ్చు. కానీ, మళ్లీ కొత్త వెంట్రుకలు వస్తాయి అనే గ్యారెంటీ ఇవ్వలేం. అయితే.. మన ఇంటి ఉత్పత్తులు వాడితే కచ్చితంగా మళ్లీ జుట్టు పెరగడం మొదలౌతుంది.మరి, అవేంటో తెలుసుకుందామా..
1.ఉల్లిరసం..
ఉల్లిరసం జుట్టు పెరుగుదలలో మనకు చాలా బాగా సహాయపడుతుంది. ఉల్లిపాయ రసంలో సల్ఫర్ ఉంటుంది.ఈ ఉల్లి రసాన్ని తలకు మంచిగా మసాజ్ చేయడం వల్ల రక్త ప్రసరణ మెరుగుపడి, జుట్టు పెరగడానికి సహాయపడుతుంది. దీని కోసం మీరు ఉల్లిపాయలను ఎంచుకొని, దానిని మెత్తని పేస్టులా చేసుకోవాలి. ఇప్పుడు దీనిని వడకట్టి.. వచ్చిన రసాన్ని తలకు బాగా పట్టించి కనీసం 15 నిమిషాల పాటుు మసాజ్ చేయాలి. ఇలా రెగ్యులర్ గా వారానికి రెండు సార్లు చేయడం వల్ల జుట్టు ఒత్తుగా పెరుగుతుంది.
2.గోరు వెచ్చని కొబ్బరినూనె..
జుట్టు పెరుగుదలను ప్రోత్సహించడానికి కొబ్బరి నూనె సహజ చికిత్సగా పనిచేస్తుంది. ఇందులో కొవ్వు ఆమ్లాలు, విటమిన్లు, యాంటీఆక్సిడెంట్లు, పోషకమైన మొలాసిస్ ఉంటాయి. ఇవి మన తల, జుట్టును ఆరోగ్యంగా చేస్తాయి. దీన్ని ఉపయోగించడానికి,ముందుగా, ఒక గిన్నె కొబ్బరి నూనెను గ్యాస్ మీద వేడి చేయండి. మరీ ఎక్కువగా వేడి చేయకూడదు.లైట్ గా వేడి చేయాలి. ఆ నూనెలో చేతులు పెడితే మన చెయ్యి కాలకూడదు. ఒకవేళ కాస్త ఎక్కువగా వేడి చేసినా... అది నార్మల్ వేడికి వచ్చేంత వరకు ఆగి.. దానితో తలకు మసాజ్ చేయాలి. కనీసం 30 నిమిషాలు అయినా మసాజ్ చేయాలి. తర్వాత తలస్నానం చేయవచ్చు. వారానికి రెండు సార్లు ఇలా చేసినా మీ జుట్టు మంచిగా మెరుస్తుంది. జుట్టు పెరగడానికి కూడా సహాయపడుతుంది.
3.కలబంద జెల్
కలబంద జెల్ అనేది చర్మం నుండి జుట్టు వరకు ప్రతిదానికీ ప్రయోజనకరంగా ఉండే ఒక పదార్థం. ఇందులో జుట్టు పెరుగుదలను ప్రోత్సహించడానికి, చుండ్రును తగ్గించడానికి, తలపై చర్మాన్ని హైడ్రేట్ గా ఉంచడానికి పనిచేసే ఎంజైమ్లు ఉంటాయి.మీరు చేయాల్సిందల్లా 1-2 టీస్పూన్ల కలబంద జెల్ను మీ జుట్టు, తలపై చర్మానికి అప్లై చేసి, బాగా మసాజ్ చేసి, 30 నిమిషాలు ఆరనివ్వండి. ఇలా వారానికి 2-3 సార్లు చేయడం వల్ల మీ జుట్టు బలంగా, మందంగా పెరుగుతుంది.
మెంతులు
మెంతుల్లో ప్రోటీన్, ఐరన్ , నికోటినిక్ పుష్కలంగా ఉండటం వల్ల వాటిని అద్భుతమైన హెయిర్ టానిక్గా పరిగణిస్తారు. ఈ లక్షణాలన్నీ జుట్టు పెరుగుదలను వేగవంతం చేయడంలో, మూలాలను బలోపేతం చేయడంలో ప్రయోజనకరంగా ఉంటాయి.మీ జుట్టుకు మెంతులను అప్లై చేయడానికి, ముందుగా 2 టీస్పూన్ల మెంతులను ముందు రోజు రాత్రి ఒక గిన్నె నీటిలో నానబెట్టండి.
ఉదయం నిద్ర లేవగానే, ఒక పేస్ట్ తయారు చేసుకుని, దానిని జుట్టుకు అప్లై చేసి 30 నిమిషాలు ఆరనివ్వండి. తర్వాత తలస్నానం చేయాలి. వారానికి రెండుసార్లు ప్రయత్నిస్తే, ఫలితం మీకే కనపడుతుంది.
ఆలివ్ ఆయిల్
ఆలివ్ ఆయిల్లో ఒలీక్ యాసిడ్ ఉంటుంది, ఇది జుట్టును మృదువుగా , మెరిసేలా చేస్తుంది. జుట్టు ఒత్తుగా పెరగడానికి కూడా సహాయం చేస్తుంది. మీరు చేయాల్సిందల్లా 4-5 టీస్పూన్ల ఆలివ్ ఆయిల్ను కొద్దిగా వేడి చేసి, ఆపై మీ జుట్టును 5-10 నిమిషాలు మసాజ్ చేయండి. ఇలా వారానికి 2-3 సార్లు చేయడం ద్వారా, మీరు మీ జుట్టు కుదుళ్లు బలపడి, ఒత్తుగా పెరగడానికి సహాయపడుతుంది
