White Hair: ఇవి మానేస్తే, తెల్ల జుట్టు సమస్యే ఉండదు..!

16

Image Credit : Getty

తెల్ల జుట్టుకు చెక్ పెట్టండి..

అందంగా కనిపించాలనే కోరిక లేనివాళ్లు ఎవరైనా ఉంటారా? వయసు పెరుగుతున్నా కూడా అందంగా కనిపించాలనే తాపత్రయం ఉంటుంది. కానీ, ఈ మధ్యకాలంలో చిన్న వయసులోనే చాలా మంది తెల్ల జుట్టు సమస్యతో బాధపడుతున్నారు. జుట్టు మనకు ఒక అందమైన కిరీటం లాంటిది.ఆ జుట్టు తెల్లగా మారిపోతే ముఖంలో అందం తగ్గిపోతుంది. అసమతుల్య ఆహారం, ఒత్తిడి, వాతావరణంలో మార్పులు, హార్మోన్ల అసమతుల్యత ఇవన్నీ కూడా జుట్టు డ్యామేజ్ కి కారణం అవుతాయి. దీనిని నివారించేందుకు మనం ఇంట్లోనే కొన్ని మార్పులు చేసుకుంటే చాలు. ముఖ్యంగా కొన్నింటిని మానేస్తే మీ హెయిర్ తెల్లగా మారే అవకాశాలు తక్కువగా ఉంటాయి. మరి, అవేంటో చూద్దామా.

26

Image Credit : Google

1.జుట్టుకు పోషణ ఇచ్చే సహజనూనెలు వాడండి...

ఆమ్లా, కొబ్బరి, కరివేపాకు నూనె లాంటి ఆయుర్వేద నూనెలు జుట్టు సహజ వర్ణాన్ని కాపాడటంలో సహాయపడతాయి.ఈ నూనెలతో రెగ్యులర్ గా తలకు మసాజ్ చేయడం వల్ల రక్తప్రసరణ మెరుగవుతుంది, మూలాలను బలపరుస్తుంది. వీటితో పాటు ఉల్లిరసం కూడా వాడాలి. ఉల్లిపాయ రసం కాటలేస్ అనే ఎన్జైమ్‌ను అందించి మెలనిన్ ఉత్పత్తిని ప్రోత్సహిస్తుంది. వారానికి రెండు సార్లు ఈ నూనెలను, ఉల్లి రసం ఉపయోగించడం వల్ల జుట్టు బలపడుతుంది, తెల్ల వెంట్రుకలు వచ్చే అవకాశం తగ్గుతుంది.

36

Image Credit : Social Media

2. ధూమపానం మానేయండి

ధూమపానం వల్ల శరీరానికి మాత్రమే కాదు, జుట్టుకీ ప్రమాదమే. ఇది జుట్టు మూలాల్లో రక్తప్రసరణను తగ్గించి, మెలనిన్ ఉత్పత్తిని అడ్డుకుంటుంది. పొగతాగడం వల్ల చాలా తొందరగా తెల్ల జుట్టు ఎక్కువగా వస్తుంది. స్మోకింగ్ మానేయడం ద్వారా జుట్టు సహజ రంగును ఎక్కువకాలం నిలుపుకోవచ్చు.

46

Image Credit : Getty

3. హీట్ స్టైలింగ్ తగ్గించండి

హెయిర్ డ్రెయ్యర్, స్ట్రెయిటెనర్ లాంటి వేడి ఉత్పత్తుల వల్ల జుట్టు డ్యామేజ్ అయిపోతుంది. తెల్ల జుట్టు వచ్చే అవకాశం ఎక్కువగా ఉంటుంది. వాటి వాడకాన్ని తగ్గించండి. స్టైలింగ్ చేయాల్సిన అవసరం ఉంటే, హీట్ ప్రొటెక్షన్ స్ప్రేలు ఉపయోగించండి. రసాయన ఉత్పత్తులకు బదులు, సహజ ఉత్పత్తులు వాడాలి.

56

Image Credit : unsplash

4. ఒత్తిడిని తగ్గించుకోండి..

దీర్ఘకాలిక ఒత్తిడి మెలనోసైట్స్‌ను దెబ్బతీసి జుట్టు వర్ణాన్ని తగ్గిస్తుంది. ధ్యానం, యోగా, లోతైన శ్వాస వ్యాయామాలు మీ మానసిక ఒత్తిడిని తగ్గించి జుట్టు ఆరోగ్యాన్ని మెరుగుపరుస్తాయి. రోజుకు కనీసం 7–8 గంటలు నిద్రపోవడం, క్రమం తప్పకుండా వ్యాయామం చేయడం కూడా ఎంతో మేలుగా పనిచేస్తాయి.

66

Image Credit : Google

5. పోషకాహారం తీసుకోండి

విటమిన్ B12, డి, రాగి, జింక్, ఐరన్ లాంటి పోషకాల లోపం వల్ల జుట్టు బూడిదగా మారుతుంది. ఆకుకూరలు, గింజలు, గుడ్లు, పాల ఉత్పత్తులు, తృణధాన్యాలు, పండ్లు లాంటి ఆహారాలను ఆహారంలో చేర్చండి. యాంటీఆక్సిడెంట్లు అధికంగా ఉండే ఆహారం మెలనిన్ కోల్పోవడాన్ని తగ్గిస్తుంది.

ఫైనల్ గా చెప్పాలంటే.. సహజ పద్ధతులు, శ్రద్ధగా తీసుకునే జీవనశైలి మార్పులు , సరైన ఆహారం తెల్ల జుట్టును తగ్గించడంలో కీలకంగా ఉంటాయి. కెమికల్ రంగులకు బదులుగా ప్రకృతి పరిష్కారాల వైపు అడుగు వేయండి. మీ జుట్టు మళ్లీ ఆరోగ్యంగా, ప్రకాశవంతంగా మారుతుంది.