మందులు వాడకుండా బీపీని తగ్గించుకోవాలనుకుంటున్నారా? అయితే ఇలా చేయండి

అధిక రక్తపోటు వల్ల గుండెపోటు తో సహా ఎన్నో ప్రమాదకరమైన రోగాలు వచ్చే అవకాశం ఉంది. అయితే ఈ రక్తపోటును కొన్ని ఆహారాలతో సులువుగా తగ్గించుకోవచ్చు. అవేంటంటే..  

high blood pressure

ఇరుకైన రక్త నాళాలు రక్త ప్రవాహానికి మరింత నిరోధకతను కలిగిస్తాయి. మీ ధమనులు ఇరుకుగా మారితే మీ రక్తపోటు ఎక్కువగా ఉంటుంది. ఈ అధిక రక్తపోటు దీర్ఘకాలికంగా ఉంటే ఒత్తిడి, గుండె జబ్బులతో సహా ఎన్నో అనారోగ్య సమస్యలు వస్తాయి. ఒకప్పుడు రక్తపోటు పెద్దవయసు వారికి మాత్రమే వచ్చేది. కానీ ఇప్పుడు చిన్నవయసు వారిలో కూడా ఈ సమస్య కనిపిస్తోంది. నిజానికి చాలా మందికి ఈ సమస్య ఉన్నా.. దాన్ని గుర్తించరు. కానీ అధిక రక్తపోటు మీ రక్త నాళాలను, అవయవాలకు, ముఖ్యంగా మెదడు, గుండె, కళ్ళు, మూత్రపిండాలకు హాని కలిగిస్తుంది.

అందుకే అధిక రక్తపోటు లక్షణాలను ముందస్తుగా గుర్తించడం ముఖ్యం. రక్తపోటును తగ్గించడానికి మందులు, ఆరోగ్యకరమైన అలవాట్లు, జీవన శైలి మార్పులు సహాయపడతాయి. రక్తపోటును తగ్గించుకోకపోతే గుండెపోటు, స్ట్రోక్‌తో సహా ఎన్నో ఆరోగ్య సమస్యలు వస్తాయి. 

బీపీ పేషెంట్లు వారి రక్తపోటును నిరంతరం పర్యవేక్షిస్తూ ఉండాలి.  పేలవమైన ఆహారం, అనారోగ్యకరమైన జీవనశైలి అలవాట్లు, ఒత్తిడి వంటి కారణాల వల్ల బీపీ పెరుగుతుంది. అధిక రక్తపోటును మందులతోనే కాదు కొన్ని రకాల ఆహారాలు కూడా  మీ బీపీని తగ్గించడంలో సహాయపడతాయి. అవేంటంటే.. 

అమర్ నాథ్ పిండి

అమరాంత్ వంటి తృణధాన్యాలను తీసుకోవడం వల్ల మీ రక్తపోటు స్థాయిలు బాగా తగ్గుతాయి. తృణధాన్యాలు అధికంగా ఉండే ఆహారం మీ అధిక రక్తపోటు ప్రమాదాన్ని తగ్గిస్తుందని అధ్యయనాలు చెబుతున్నాయి. అందుకే వీటిని రోజూ తినండి.

మోత్ దాల్

మోత్ దాల్ లో పొటాషియం కంటెంట్ ఎక్కువగా ఉంటుంది. ఈ డైటర్ ఫ్రెండ్లీ పప్పు రక్తపోటు పెరుగుదలకు కారణమయ్యే ఎంజైమ్ చర్యను కూడా నిరోధిస్తుంది. తద్వారా రక్తపోటును తగ్గించడానికి ఇది సహాయపడుతుంది.

అరటిపండు

పలు అధ్యయనాల ప్రకారం..  అరటి పండ్లలో ఉండే పొటాషియం సోడియం ప్రభావాలను తగ్గిస్తుంది. అరటిపండ్లు రక్త నాళాల గోడలలో ఉద్రిక్తతను తగ్గిస్తుంది. అరటిపండ్లలో పొటాషియం పుష్కలంగా ఉంటుంది. ఇది రక్తపోటును నిర్వహించడానికి సహాయపడుతుంది.

కొబ్బరి నీరు

కొబ్బరికాయల నీరు మన ఆరోగ్యానికి ఎంతో మేలు చేస్తుంది. కొబ్బరి నీటిని తాగితే డీహైడ్రేషన్ సమస్య వచ్చే అవకాశం ఉండదు. దీనిలో ఉండే పొటాషియం కంటెంట్ రక్తపోటును తగ్గించడానికి సహాయపడుతుంది. 

ఖర్జూరం

ఖర్జూరాల్లో పొటాషియం, మెగ్నీషియం, సోడియం పుష్కలంగా ఉంటాయి. పొటాషియం, మెగ్నీషియం రెండూ నాళాలలో రక్త ప్రవాహాన్ని సులభతరం చేయడానికి, అధిక రక్తపోటును తగ్గించడానికి అద్భుతంగా సహాయపడతాయి.