Prostate Cancer: ఈ అలవాట్లతో.. ప్రోస్టేట్ క్యాన్సర్ రిస్క్ తగ్గుతుందట!
Prostate Cancer: ప్రోస్టేట్ క్యాన్సర్ పురుషులలో వచ్చే అత్యంత సాధారణ క్యాన్సర్. ఆరోగ్యకరమైన జీవనశైలి, పోషకాహారం తీసుకోవడం వంటి అలవాట్లను అనుసరిస్తే ప్రోస్టేట్ క్యాన్సర్ రిస్క్ తగ్గుతుందట. ప్రోస్టేట్ క్యాన్సర్ రిస్క్ తగ్గించే అలవాట్లు ఇవే..
పురుషుల్లో ప్రోస్టేట్ క్యాన్సర్ ముప్పు
పురుషుల్లో ప్రోస్టేట్ క్యాన్సర్ చాలా సాధారణం. పోషకాహారం, జీవనశైలితో ఈ క్యాన్సర్ రిస్క్ తగ్గించుకోవచ్చు. వంశపారంపర్యం, వయసు కూడా కారణమే అయినా.. మంచి జీవనశైలితో రక్షణ పొందవచ్చు.
మొక్కల ఆధారిత ఆహారం
పండ్లు, కూరగాయలు, పప్పులు, తృణధాన్యాలు ఎక్కువగా తినడం వల్ల ప్రోస్టేట్ క్యాన్సర్ రిస్క్ తగ్గుతుంది. టమాటాల్లో ఉండే లైకోపీన్ ప్రోస్టేట్ ఆరోగ్యానికి మంచిది. బ్రోకలీ, కాలీఫ్లవర్ వంటివి క్యాన్సర్ కారక కణాలతో పోరాడతాయి.
ఆ ఆహారానికి దూరం
రెడ్ మీట్, ప్రాసెస్డ్ మీట్ ఎక్కువగా తినడం వల్ల ప్రోస్టేట్ క్యాన్సర్ రిస్క్ పెరుగుతుంది. వీటి బదులు టోఫు, పప్పులు, చికెన్, చేపలు తినండి. బేకింగ్ లేదా స్టీమింగ్ చేసి తినండి. కానీ, గ్రిల్లింగ్ చేయడం వల్ల విష పదార్థాలు విడుదలవుతాయి.
సహజమైన నూనెలు
నెయ్యి, కొవ్వుకు బదులు నట్స్, గింజలు, ఆవకాడో, ఆలివ్ ఆయిల్ వంటి మంచి కొవ్వులు వాడండి. సాల్మన్, మాకేరెల్ వంటి చేపల్లో ఉండే ఒమేగా-3 కొవ్వు ఆమ్లాలు మంటను తగ్గించి క్యాన్సర్ నుండి రక్షణ కల్పిస్తాయి.
వ్యాయామం తప్పని సరి
క్రమం తప్పకుండా వ్యాయామం చేయడం వల్ల మంట తగ్గుతుంది. హార్మోన్ల సమతుల్యత ఏర్పడుతుంది. బరువు నియంత్రణలో ఉంటుంది. ఇవన్నీ ప్రోస్టేట్ క్యాన్సర్ రిస్క్ తగ్గించడంలో కీలకం. వారంలో ఎక్కువ రోజులు కనీసం 30 నిమిషాలు వ్యాయామం చేయాలి.
ధూమపానం, మద్యం మానేయాలి
ధూమపానం వల్ల ప్రోస్టేట్ క్యాన్సర్ తీవ్రత పెరుగుతుంది. ధూమపానం, మద్యం మానేయడం వల్ల ఆరోగ్యం మెరుగుపడి, క్యాన్సర్ రిస్క్ తగ్గుతుంది. ఆహారం లేదా జీవనశైలి మార్పు కూడా క్యాన్సర్ని పూర్తిగా నివారించలేదు. కానీ మంచి అలవాట్ల వల్ల రిస్క్ తగ్గించుకోవచ్చు. వయసు పెరిగే కొద్దీ రెగ్యులర్ చెకప్స్ చేయించుకోవడం చాలా ముఖ్యం.
