Health tips: మధ్యాహ్నం, రాత్రి భోజనాల మధ్య ఎంత గ్యాప్ ఉంటే మంచిదో తెలుసా?

ఆరోగ్యంగా ఉండటానికి మంచి ఆహారం తీసుకోవడం ఎంత ముఖ్యమో.. సరైన టైంకి తినడం కూడా అంతే ముఖ్యం. సరైన సమయానికి భోజనం చేయకపోతే... జీర్ణక్రియ, శక్తి, బరువు, నిద్ర నాణ్యతపై ప్రభావం పడుతుంది. కాబట్టి మధ్యాహ్న భోజనం, రాత్రి భోజనం మధ్య ఎంత గ్యాప్ ఉంటే ఆరోగ్యానికి మంచిదో ఇక్కడ తెలుసుకుందాం.

సమతుల్య ఆహారం, ఆరోగ్యకరమైన జీవనశైలి మాత్రమే ఆరోగ్యాన్ని కాపాడుకోవడానికి ప్రమాణాలు కావు. ఆహారం తీసుకునే విధానం, సమయం కూడా ముఖ్యమైందే. మధ్యాహ్న భోజనం, రాత్రి భోజనం మధ్య మంచి గ్యాప్ ఉంటేనే జీర్ణక్రియ బాగుంటుంది. ఇది మంచి నిద్రకు సహాయపడుతుంది. అంతేకాదు ఈ అలవాటు అతిగా తినడాన్ని నిరోధిస్తుంది. చక్కెర స్థాయిని సమతుల్యం చేస్తుంది. మధ్యాహ్న భోజనం, రాత్రి భోజనం మధ్య ఎంత గ్యాప్ ఉండాలో ఇక్కడ తెలుసుకుందాం.

మధ్యాహ్న, రాత్రి భోజనాల మధ్య గ్యాప్

ఆహారాన్ని సరైన సమయానికి తినడం వల్ల జీర్ణక్రియ మెరుగుపడుతుంది. మానవ శరీరానికి సాధారణంగా ఒక భోజనాన్ని జీర్ణం చేయడానికి మూడు నుంచి నాలుగు గంటలు పడుతుంది. తక్కువ అంతరం అతిగా తినడానికి దారితీస్తుంది. అదే సమయంలో ఎక్కువ అంతరం ఆమ్లతను కలిగిస్తుంది. కాబట్టి రోజువారీ మధ్యాహ్న భోజనం, రాత్రి భోజనాన్ని సరైన సమయంలో తినేలా చూసుకోవాలి.

శక్తిని నిర్వహణ..

రోజువారీ పనులు చేయడానికి శక్తి అవసరం. అది మనం తీసుకునే ఆహారం నుంచి వస్తుంది. మధ్యాహ్న భోజనం, రాత్రి భోజనం మధ్య స్థిరమైన అంతరం తగినంత శక్తి స్థాయిని నిర్వహించడానికి సహాయపడుతుంది. ఇది ఒత్తిడిని కలిగించకుండా, మీ పనులను సమర్థవంతంగా చేయడంలో సహాయపడుతుంది.

బరువు నిర్వహణ..

సరైన సమయంలో ఆహారం తీసుకోవడం మొత్తం బరువులో కీలక పాత్ర పోషిస్తుంది. సరైన గ్యాప్ లో ఆహారం తీసుకోవడం వల్ల అతిగా తినకుండా సహాయపడుతుంది. గ్యాప్ సరిగ్గా పాటించకపోతే.. బరువు తగ్గడానికి లేదా బరువు పెరగడానికి దారితీస్తుంది.

మెరుగైన నిద్ర

రోజువారీ ఆహారం నిద్రపై కూడా ప్రభావం చూపుతుంది. సమతుల్య సమయాలు, ఆహారపు అలవాట్లు మెరుగైన నిద్రకు దోహదపడతాయి. సరైన సమయంలో ఆహారం తీసుకోకపోవడం వల్ల రాత్రిపూట అజీర్తి ఏర్పడుతుంది. ఇది నిద్ర నాణ్యతను తీవ్రంగా ప్రభావితం చేస్తుంది.

మధ్యాహ్న భోజనం, రాత్రి భోజనానికి సరైన సమయాన్ని ఎలా నిర్ణయించాలి?

మధ్యాహ్న భోజనం/రాత్రి భోజన టైం రోజువారి పనిని బట్టి మారవచ్చు. సరైన జీర్ణక్రియ కోసం 5 నుంచి 6 గంటల గ్యాప్ తీసుకోవాలి. మధ్యాహ్నం 12 నుంచి 1 గంటల మధ్య మధ్యాహ్న భోజనం చేసేవారు సాయంత్రం 6 నుండి 7 గంటల మధ్య తినడం మంచిది.

ఇది గుర్తుంచుకోండి

ఈ టైం గ్యాప్ అందరికీ వర్తించకపోవచ్చు. శారీరక శ్రమ ఎక్కువగా ఉండేవారు తక్కువ టైం గ్యాప్ తో తింటూ ఉంటారు. అలాగే ఏవైనా ఆరోగ్య సమస్యలు ఉన్నవారికి తరచూ తక్కువ మొత్తంలో భోజనం అవసరం కావచ్చు. కాబట్టి నిపుణుల సలహా మేరకు మార్పులు చేసుకోవడం మంచిది.