Anjeer Milk: రోజూ అంజీర్, పాలు కలిపి తాగితే ఏమవుతుందో తెలుసా..?
ప్రతి ఒక్కరూ తమ ఆరోగ్యంపై శ్రద్ద తీసుకోవడం చాలా అవసరం. రోగ నిరోధక శక్తిని పెంచే ఆహారమే కాకుండా ఇతర అనారోగ్య సమస్యలను తగ్గించే ఆహారం తీసుకోవాలి. . ఈ క్రమంలో చాలా మంది పాలతోపాటు అంజీర్ పండ్లను తీసుకుంటున్నారు. ఈ ఫుడ్ వలన కలిగే ఫలితాలు ఏంటో?
గాఢమైన, ప్రశాంతమైన నిద్ర:
నిద్రలేమి సమస్యతో బాధపడేవారు పాలలో నానబెట్టిన అంజీర్ మంచి నిద్రను ప్రసాదిస్తుంది. అంజీర్లోని పోషకాలు మనసును ప్రశాంతంగా ఉంచి, మంచి నిద్రకు దోహదపడతాయి.
దృఢమైన ఎముకల కోసం
అంజీర్, పాలు రెండింటిలోనూ ఎముకలకు, దంతాలకు అవసరమైన కాల్షియం పుష్కలంగా ఉంటుంది. ఇవి ఎముకలను దృఢంగా ఉంచుతూ ఆస్టియోపోరోసిస్, దంత సమస్యలకు చెక్ పెడుతాయి.
మెరుగైన జీర్ణశక్తి
అంజీర్లో ఉండే ఫైబర్ జీర్ణవ్యవస్థ పనితీరును మెరుగుపరుస్తుంది. పాలతో కలిపి తీసుకుంటే మలబద్ధకం వంటి సమస్యలను తగ్గించి జీర్ణశక్తిని పెంచుతుంది.
రోగనిరోధక శక్తి పెంపు
అంజీర్, పాలు రోగనిరోధక శక్తిని పెంపొందించడంలో సహాయపడతాయి. వీటిలోని విటమిన్లు, మినరల్స్ శరీరాన్ని ఆరోగ్యవంతంగా మార్చి, పలు వ్యాధుల నుండి రక్షిస్తాయి.
రక్తపోటుకు చెక్
అంజీర్లో ఉన్న పొటాషియం అధిక రక్తపోటును నియంత్రించడంలో సహాయపడుతుంది. గుండెకు అవసరమైన పోషకాలను పాల నుంచి అందుతాయి.
హిమోగ్లోబిన్ ఉత్పత్తి
అంజీర్లోని ఐరన్ రక్తంలో హిమోగ్లోబిన్ ఉత్పత్తికి సహాయపడుతుంది. రక్తహీనత ఉన్నవారికి ఇది మంచిది.
ఒబెసిటి కి చెక్
అంజీర్లో ఉన్న ఫైబర్ కడుపు నిండిన భావన కలిగిస్తుంది. ఆకలిని నియంత్రించడంలో సహాయపడుతుంది. అందువల్ల బరువు తగ్గాలని ఆశించే వారికి బెస్ట్ ఛాయిస్.
హార్మోన్ల సమతుల్యత
హార్మోన్ల సమతుల్యతను మెరుగుపరచడంలో అంజీర్, పాలు సహాయపడతాయి. ముఖ్యంగా మహిళల్లో ఋతుసంబంధిత సమస్యలకు ఉపశమనం కలిగిస్తాయి.
ఎలా తీసుకోవాలి?
రెండు లేదా మూడు ఎండు అంజీర్లను ఒక గ్లాసు పాలలో రాత్రంతా నానబెట్టి, ఉదయాన్నే తినవచ్చు. లేదా మిక్సీలో వేసి మిల్క్ షేక్ లాగా కూడా తాగవచ్చు. తీపి కోసం తేనె కూడా కలపవచ్చు.