IRCTC Ayodhya Kashi Tour: ఒకే టికెట్‌తో అయోధ్య రామయ్య, కాశీ విశ్వనాథుడి దర్శనం.. ఐఆర్‌సీటీసీ క్రేజీ ప్యాకేజీ

IRCTC Ayodhya Kashi Tour : ఐఆర్‌సీటీసీ గౌహతి నుంచి అయోధ్య, కాశీ, ప్రయాగ్‌రాజ్ పుణ్యక్షేత్రాలను సందర్శించడానికి 'రామలల్లా విత్ కాశీ విశ్వనాథ్ దర్శన్' పేరుతో సరికొత్త విమాన టూర్ ప్యాకేజీని ప్రకటించింది. ఆ వివరాలు మీకోసం.

Image Credit : Gemini

ఐఆర్‌సీటీసీ అదిరిపోయే ప్యాకేజీ.. ఒకే ట్రిప్‌లో అయోధ్య రామయ్య, కాశీ విశ్వనాథుడి దర్శనం

భారతదేశంలో ఆధ్యాత్మిక యాత్రలకు ఉన్న క్రేజ్ అంతా ఇంతా కాదు. ముఖ్యంగా ఉత్తరప్రదేశ్‌లోని పుణ్యక్షేత్రాలను దర్శించుకోవాలని ప్రతి ఒక్కరూ కోరుకుంటారు. పవిత్ర సరయూ నది ఒడ్డున ఉన్న శ్రీరాముడి జన్మభూమి అయోధ్య, భారతదేశ ఆధ్యాత్మిక రాజధానిగా పిలవబడే 11వ శతాబ్దం నాటి పురాతన నగరం వారణాసి (కాశీ)లను సందర్శించడానికి భక్తులు ఎప్పుడూ ఆసక్తి చూపిస్తారు. గంగా నది పవిత్ర జలాల్లో స్నానాలు ఆచరించడానికి, కాశీనాథుని దర్శనం కోసం ఎంతో మంది తరలివస్తుంటారు.

ఈ క్రమంలోనే భక్తుల కోసం ఐఆర్‌సీటీసీ (IRCTC) ఒక అద్భుతమైన టూర్ ప్యాకేజీని తీసుకొచ్చింది. 'రామలల్లా విత్ కాశీ విశ్వనాథ్ దర్శన్, ఎక్స్ గౌహతి (EGA028A)' పేరుతో ఈ టూర్‌ను ఆపరేట్ చేస్తోంది. ఈ ప్యాకేజీ ద్వారా లక్నో, అయోధ్య, ప్రయాగ్‌రాజ్, వారణాసి వంటి ప్రముఖ ఆధ్యాత్మిక ప్రాంతాలను సందర్శించవచ్చు. ఈ టూర్ ఫ్లైట్ ద్వారా సాగుతుంది. ఇందులో కేవలం 10 సీట్లు మాత్రమే అందుబాటులో ఉన్నాయి. 2026 జూలై 18 నుంచి జూలై 22 వరకు 4 రాత్రులు, 5 రోజుల పాటు ఈ యాత్ర సాగుతుంది. బ్రేక్‌ఫాస్ట్, డిన్నర్ ఈ ప్యాకేజీలోనే ఉంటాయి.

Image Credit : Chat GPT

IRCTC Ayodhya Kashi Tour : ఫ్లైట్ షెడ్యూల్, టైమింగ్స్ వివరాలు

ఈ టూర్ గౌహతి (GAU) నుంచి ప్రారంభమై లక్నో (LKO)కు చేరుకుంటుంది. తిరుగు ప్రయాణం వారణాసి (VNS) నుంచి గౌహతి (GAU)కి ఉంటుంది.

• 18 జూలై 2026 నాడు గౌహతి నుంచి లక్నోకు ఫ్లైట్ (6E-6552) సాయంత్రం 17:20 గంటలకు బయలుదేరి రాత్రి 19:20 గంటలకు చేరుకుంటుంది.

• 22 జూలై 2026 నాడు వారణాసి నుంచి గౌహతికి ఫ్లైట్ (6E-507/127) ఉదయం 09:05 గంటలకు బయలుదేరి మధ్యాహ్నం 12:52 గంటలకు ల్యాండ్ అవుతుంది.

ఎయిర్‌లైన్స్ నిర్ణయం ప్రకారం ఫ్లైట్ టైమింగ్స్ మారే అవకాశం ఉంది. 0-2 ఏళ్ల లోపు ఇన్ఫాంట్ ఛార్జీలను బుకింగ్ సమయంలో ఐఆర్‌సీటీసీ ఆఫీసులో క్యాష్ రూపంలో చెల్లించాల్సి ఉంటుంది.

Image Credit : Instagram sudesh_das8 and sri_khetra_.puri

రోజువారీ టూర్ ప్లాన్ ఎలా సాగుతుంది?

డే 01 (18.07.2026): గౌహతి టూ లక్నో

ఫ్లైట్ టైమింగ్స్ కంటే 2 గంటల ముందే గౌహతి ఎయిర్‌పోర్టుకు చేరుకోవాలి. బోర్డింగ్ ప్రాసెస్ ముగిశాక ఫ్లైట్ ఎక్కాలి. లక్నో ఎయిర్‌పోర్టుకు చేరుకున్నాక, అక్కడ నుంచి హోటల్‌కు ట్రాన్స్‌ఫర్ చేస్తారు. చెక్-ఇన్ అయ్యాక సాయంత్రం కాసేపు రిలాక్స్ అవ్వొచ్చు. రాత్రి హోటల్‌లోనే డిన్నర్ ఉంటుంది. అక్కడే బస చేస్తారు.

డే 02 (19.07.2026): లక్నో టూ అయోధ్య

ఉదయం హోటల్‌లో బ్రేక్‌ఫాస్ట్ చేసిన తర్వాత రోడ్డు మార్గంలో అయోధ్యకు బయలుదేరుతారు. దారిలో బారా ఇమాంబరా, రూమి దర్వాజాలను సందర్శిస్తారు. అయోధ్యకు చేరుకున్నాక హోటల్‌లో చెక్-ఇన్ అవుతారు. ఆ తర్వాత రామలల్లా మందిరం, హనుమాన్ గర్హి మందిరం, సరయూ ఘాట్‌లను సందర్శిస్తారు. రాత్రి హోటల్‌లో డిన్నర్ ముగించుకుని అక్కడే నిద్రపోతారు.

Image Credit : Asianet News

ప్రయాగ్‌రాజ్ త్రివేణి సంగమం మీదుగా కాశీకి..

డే 03 (20.07.2026): అయోధ్య - ప్రయాగ్‌రాజ్ - వారణాసి

ఉదయం బ్రేక్‌ఫాస్ట్ చేశాక ప్రయాగ్‌రాజ్‌కు జర్నీ స్టార్ట్ అవుతుంది. అక్కడ పవిత్ర త్రివేణి సంగమాన్ని చూస్తారు. ఆ తర్వాత గంగా నది ఎడమ గట్టున, త్రివేణి సంగమానికి ఉత్తరాన ఉన్న శివుడి పవిత్ర దేవాలయం 'శంకర్ విమాన్ మండపం' సందర్శిస్తారు. అనంతరం వారణాసికి ప్రయాణమవుతారు. వారణాసి చేరుకుని హోటల్‌లో చెక్-ఇన్ అవుతారు. సాయంత్రం 6:30 గంటల ప్రాంతంలో జరిగే ప్రపంచ ప్రసిద్ధ గంగా ఆరతిని చూసి తరిస్తారు. రాత్రి హోటల్‌లో డిన్నర్, వారణాసిలోనే బస ఉంటుంది.

డే 04 (21.07.2026): వారణాసి లోకల్ సైట్ సీయింగ్

ఉదయం బ్రేక్‌ఫాస్ట్ ముగిశాక శ్రీ కాశీ విశ్వనాథ్ టెంపుల్, సార్నాథ్, అస్సి ఘాట్, బనారస్ ఘాట్‌లను సందర్శిస్తారు. సాయంత్రం లోకల్ షాపింగ్ కోసం ఫ్రీ టైమ్ ఇస్తారు. రాత్రి హోటల్‌లో డిన్నర్ తిని అక్కడే స్టే చేస్తారు.

డే 05 (22.07.2026): వారణాసి టూ గౌహతి

హోటల్‌లో మార్నింగ్ బ్రేక్‌ఫాస్ట్ తర్వాత కాసేపు పర్సనల్ యాక్టివిటీస్ కోసం టైమ్ ఉంటుంది. ఆ తర్వాత ఫ్లైట్ టైమ్‌కు 2 గంటల ముందే వారణాసి ఎయిర్‌పోర్టుకు ట్రాన్స్‌ఫర్ చేస్తారు. అక్కడ నుంచి గౌహతికి రిటర్న్ ఫ్లైట్ ఎక్కడంతో ఈ స్వీట్ మెమొరీస్ టూర్ ముగుస్తుంది.

Image Credit : Instagram vardhmanvacations

IRCTC Ayodhya Kashi Tour : టికెట్ ధరల వివరాలు ఇవే

కంపార్ట్ క్లాస్ కింద ఒక్కో వ్యక్తికి అయ్యే ఖర్చు ఇలా ఉంది..

• సింగిల్ ఆక్యుపెన్సీ (ఒక్కరే రూమ్ తీసుకుంటే): రూ. 37,700/-

• డబుల్ ఆక్యుపెన్సీ (ఇద్దరు షేర్ చేసుకుంటే): రూ. 30,850/-

• ట్రిపుల్ ఆక్యుపెన్సీ (ముగ్గురు షేర్ చేసుకుంటే): రూ. 30,050/-

• చైల్డ్ విత్ బెడ్ (5-11 ఏళ్లు): రూ. 26,150/-

• చైల్డ్ వితౌట్ బెడ్ (2-4 ఏళ్లు): రూ. 23,850/-

ఒకవేళ ఒకే బుకింగ్‌లో ఒకే ఫ్యామిలీకి చెందిన ముగ్గురు ఉంటే, ఒక డబుల్ రూమ్‌లో ఎక్స్‌ట్రా బెడ్ ప్రొవైడ్ చేస్తారు.

Image Credit : Google

ప్యాకేజీలో ఏమున్నాయి? ఏవి లేవు?

ప్యాకేజీలో కలిపి ఉన్నవి: ఎకానమీ క్లాస్‌లో రిటర్న్ ఎయిర్ టికెట్లు, అన్ని ప్రాంతాల్లో షేరింగ్ బేసిస్‌పై వసతి, ఇటినెరరీ ప్రకారం టూరిస్ట్ వెహికల్‌లో సైట్ సీయింగ్, 4 బ్రేక్‌ఫాస్ట్లు, 4 డిన్నర్లు, అన్ని అరైవల్, డిపార్చర్ పాయింట్ల వద్ద అసిస్టెన్స్, అన్ని రకాల వర్తించే పన్నులు.

ప్యాకేజీలో లేనివి: మధ్యాహ్న భోజనం, ఈ-రిక్షా ఛార్జీలు, క్రూజ్ లేదా బోట్ ఛార్జీలు, హోటళ్లలో పోర్టేజ్, టిప్స్, ఇన్సూరెన్స్, మినరల్ వాటర్, టెలిఫోన్ బిల్స్, లాండ్రీ, రూమ్ హీటర్ ఖర్చులు, స్టిల్ లేదా వీడియో కెమెరా ఫీజులు. ఇటినెరరీలో లేని ఎలాంటి అదనపు సైట్ సీయింగ్, గైడ్ ఛార్జీలు, మాన్యుమెంట్ ఎంట్రన్స్ ఫీజులు కూడా ఇందులో కలవవు.

Image Credit : gemini

ముఖ్యమైన రూల్స్, క్యాన్సిలేషన్ పాలసీ

ప్రయాణికులు తమ వెంట ఓటర్ కార్డ్, డ్రైవింగ్ లైసెన్స్, పాస్‌పోర్ట్ లేదా ఏదైనా గవర్నమెంట్ ఐడీ కార్డ్ తప్పకుండా క్యారీ చేయాలి. టూర్ సర్వీస్ వోచర్లు ప్రయాణానికి 2 రోజుల ముందు ఈమెయిల్‌కు వస్తాయి లేదా గౌహతి ప్రాంతీయ కార్యాలయం నుంచి తీసుకోవచ్చు. బుకింగ్ సమయంలోనే 100% పేమెంట్ చేయాల్సి ఉంటుంది, బ్యాంక్ ఛార్జీలు కస్టమరే భరించాలి. ఒకవేళ బుకింగ్ క్యాన్సిల్ చేసుకోవాలనుకుంటే www.irctctourism.com వెబ్‌సైట్‌లోకి లాగిన్ అయి క్యాన్సిల్ చేసుకోవచ్చు.

• టూర్ ప్రారంభానికి 21 రోజుల ముందు క్యాన్సిల్ చేస్తే: ప్యాకేజీ కాస్ట్‌లో 30% కట్ అవుతుంది.

• 21 నుంచి 15 రోజుల ముందు క్యాన్సిల్ చేస్తే: ప్యాకేజీ కాస్ట్‌లో 55% కట్ అవుతుంది.

• 14 నుంచి 08 రోజుల ముందు క్యాన్సిల్ చేస్తే: ప్యాకేజీ కాస్ట్‌లో 80% కట్ అవుతుంది.

• 7 రోజులు లేదా ఆ కంటే తక్కువ టైమ్ ఉంటే (నో షో): 100% క్యాన్సిలేషన్ ఛార్జ్ పడుతుంది.