సినిమా బ్లాక్ బస్టర్.. విజయ్ సేతుపతి ఒక్క రూపాయి కూడా రెమ్యునరేషన్ తీసుకోలేదు, కానీ

సౌత్ లో విలక్షణ నటుల జాబితాలో విజయ్ సేతుపతి ఒకరిగా ఉంటారు. పాత్ర కోసం పరకాయ ప్రవేశం చేసే నటుడు విజయ్ సేతుపతి. హీరోగా అయినా, క్యారెక్టర్ రోల్ అయినా, విలన్ గా అయిన విజయ్ సేతుపతి నటించే విధానం అద్భుతంగా ఉంటుంది. 

విజయ్ సేతుపతి చివరగా మహారాజ అనే చిత్రంలో నటించారు. ఈ మూవీ తెలుగు, తమిళ భాషల్లో బ్లాక్ బస్టర్ హిట్ గా నిలిచింది. 100 కోట్లకి పైగా వసూళ్లు సాధించింది. శాటిలైట్, డిజిటల్ రైట్స్ కూడా భారీ ధరకి అమ్ముడయ్యాయి నిర్మాతలు లాభాలతో పండగ చేసుకుంటున్నారు. 

దీనికి తోడు వివిధ భాషల నుంచి రీమేక్ హక్కులకు భారీ ఆఫర్స్ వస్తున్నాయి. విజయ్ సేతుపతి మార్కెట్ తో పోల్చితే అతి తక్కువ బడ్జెట్ లో ఈ చిత్రం తెరకెక్కింది. కేవలం 20 కోట్ల బడ్జెట్ లో ఈ చిత్రాన్ని పూర్తి చేశారు. దీనితో అంతా ఆశ్చర్యపోతున్నారు. తక్కువ బడ్జెట్ లో సినిమాని పూర్తి చేయాలనే ప్లాన్ కి విజయ్ సేతుపతి కూడా అంగీకరించారట. 

దీనితో నిర్మాతల నుంచి ఒక్క రూపాయి కూడా రెమ్యునరేషన్ తీసుకోలేదు. కానీ లాభాలు వస్తే మాత్రం వాటా ఇవ్వాలని అగ్రిమెంట్ చేసుకున్నారట. దీనితో విజయ్ సేతుపతికి లాభాల్లో భారీ వాటా దక్కబోతున్నట్లు తెలుస్తోంది.