Reshma Rathore: సినిమాలకు గుడ్‌ బై చెప్పి కోర్ట్ మెట్లు ఎక్కుతున్న టాలీవుడ్‌ హీరోయిన్‌.. డేరింగ్‌ స్టెప్‌

Reshma Rathore: సినిమా గ్లామర్, స్టార్‌డమ్ వదులుకోవడం ఎవరికైనా కష్టమే. కానీ, ఓ హీరోయిన్ మాత్రం నటనకు గుడ్‌బై చెప్పి, ఏకంగా సుప్రీంకోర్టు మెట్లు ఎక్కడానికి రెడీ అయ్యింది.

Image Credit : Asianet News

యాక్టింగ్‌కి గుడ్ బై చెప్పిన టాలీవుడ్‌ హీరోయిన్‌

సినిమా రంగంలో గ్లామర్, పేరుప్రఖ్యాతలు ఉంటాయి. కెమెరా ముందుకొచ్చి చప్పట్లు కొట్టించుకున్న వాళ్లు ఆ ప్రపంచాన్ని వదిలి వెళ్లడం చాలా కష్టం. అవకాశాలు ఉన్నా, లేకపోయినా వదల్లేరు. అలాంటి పరిస్థితి వస్తే అది ఎంతో స్ట్రగుల్‌తో కూడుకొన్నదే అవుతుంది. కానీ, తెలుగు అందం రేష్మా రాథోర్‌ మాత్రం 'గ్లామర్ అనేది క్షణికం, న్యాయం కోసం పోరాడటమే అసలైన జీవితం' అని నిరూపిస్తున్నారు రేష్మ. ఆమె యాక్టింగ్‌కి గుడ్‌ బై చెప్పి కోర్ట్ మెట్లు ఎక్కేందుకు రెడీ అయ్యింది.

Image Credit : Instagram

ఈ రోజుల్లో మూవీతో హీరోయిన్‌గా పరిచయమైన రేష్మా రాథోర్‌

తెలంగాణలోని భద్రాద్రి కొత్తగూడెం జిల్లాకు చెందిన రేష్మాకు చిన్నప్పటి నుంచే నటనపై ఆసక్తి ఎక్కువ. బాలనటిగా కెమెరా ముందుకొచ్చిన ఆమె, వరంగల్‌లోని కాకతీయ యూనివర్సిటీలో చదువుతుండగా దర్శకుడు మారుతి కంటపడ్డారు. ఆయన తీసిన యూత్‌ఫుల్ హిట్ 'ఈ రోజుల్లో' సినిమాతో రేష్మా హీరోయిన్‌గా పరిచయమయ్యారు. తొలి సినిమానే బ్లాక్‌బస్టర్ అవ్వడంతో ఆమెకు అవకాశాలు వెల్లువెత్తాయి.

Image Credit : Instagram

వెంకటేష్‌, ఉదయ్‌ కిరణ్‌ సినిమాల్లో రేష్మ

విక్టరీ వెంకటేష్ 'బాడీగార్డ్' సినిమాలో హీరోయిన్ స్నేహితురాలిగా, దివంగత నటుడు ఉదయ్ కిరణ్‌తో కలిసి 'జై శ్రీరామ్' సినిమాలోనూ రేష్మా నటించి మెప్పించారు. తెలుగులోనే కాకుండా తమిళం, మలయాళం భాషల్లోనూ ఆమె నటించి మంచి గుర్తింపు తెచ్చుకున్నారు.

Image Credit : Instagram

నటిగా సక్సెస్ కాకపోవడంతో లా వైపు రేష్మ చూపులు

2017 వరకు చాలా సినిమాల్లో నటించినా, రేష్మాకు బాక్సాఫీస్ వద్ద ఆశించిన విజయం దక్కలేదు. దీంతో ఆమెకు సినీ రంగంలోని అనిశ్చితి అర్థమైంది. అప్పుడే ఓ సాహసోపేతమైన నిర్ణయం తీసుకున్నారు. తన తల్లి రాధాబాయి రాథోడ్ (హైకోర్టు లాయర్) బాటలో నడవాలని నిర్ణయించుకున్నారు. మేకప్ కిట్ పక్కనపెట్టి, న్యాయశాస్త్ర పుస్తకాలు చేతపట్టారు.

Image Credit : Instagram

సుప్రీంకోర్ట్ లాయర్‌గా మారిన రేష్మా రాథోర్‌

సినిమా డైలాగుల కన్నా రాజ్యాంగంలోని ఆర్టికల్స్ ఆమెకు బాగా నచ్చాయి. న్యాయశాస్త్రంలో డిగ్రీ పూర్తి చేసి, లాయర్‌గా తన కెరీర్‌ను ప్రారంభించారు. తన తెలివితేటలు, వాదనా పటిమతో అనతికాలంలోనే దిల్లీలోని సుప్రీంకోర్టులో ప్రాక్టీస్ చేసే స్థాయికి ఎదిగారు. ఒకప్పుడు సెట్స్‌లో లైట్ల మధ్య ఉన్న అమ్మాయి, ఇప్పుడు కోర్టులో న్యాయం కోసం వాదిస్తుండటం విశేషం.

Image Credit : Instagram

రాజకీయాలపై రేష్మాకి ఇంట్రెస్ట్

రేష్మా కేవలం కోర్టులకే పరిమితం కాలేదు. ఆమెకు రాజకీయాలపై కూడా ఆసక్తి ఉంది. అంతేకాకుండా, సామాజిక సేవలోనూ చురుకుగా పాల్గొంటున్నారు. నటిగా ప్రజలను అలరించిన రేష్మా, ఇప్పుడు లాయర్‌గా వారి హక్కుల కోసం పోరాడుతున్నారు.

Image Credit : Instagram

రేష్మ సక్సెస్‌ స్టోరీ

'సినిమా ప్రపంచం నుంచి సుప్రీంకోర్టు వరకు' రేష్మా ప్రయాణం కేవలం ఒక మార్పు కాదు, అది ఒక దృఢ సంకల్పం సాధించిన విజయం. సాధించాలనే పట్టుదల ఉంటే గ్లామర్ ప్రపంచం నుంచి న్యాయ ప్రపంచం వరకు ఎక్కడైనా గెలవచ్చని ఆమె నిరూపించారు.