ప్రభాస్ ఎక్కడైనా రాజే.. రికార్డులు బ్రేక్ చేస్తున్న అన్ స్టాపబుల్ ఎపిసోడ్
నందమూరి బాలకృష్ణ హోస్ట్ గా చేస్తున్న 'అన్ స్టాపబుల్' షో సీజన్ 2 తిరుగులేని టాక్ షో గా మారుతోంది. గత రెండు రోజుల నుంచి ఆహా యాప్ లో ప్రభాస్ అన్ స్టాపబుల్ ఎపిసోడ్ స్ట్రీమింగ్ అవుతోంది.
నందమూరి బాలకృష్ణ హోస్ట్ గా చేస్తున్న 'అన్ స్టాపబుల్' షో సీజన్ 2 తిరుగులేని టాక్ షో గా మారుతోంది. సీజన్ 2 ప్రారంభ ఎపిసోడ్ కి మాజీ సీఎం చంద్రబాబు, నారా లోకేష్ హాజరైన సంగతి తెలిసిందే. ఈ షోలో స్టార్ హీరోలు, యువ హీరోలు హాజరయ్యారు. యంగ్ రెబల్ స్టార్ ప్రభాస్ కూడా బాలయ్య టాక్ షోలో పాల్గొన్న సంగతి తెలిసిందే.
గత రెండు రోజుల నుంచి ఆహా యాప్ లో ప్రభాస్ అన్ స్టాపబుల్ ఎపిసోడ్ స్ట్రీమింగ్ అవుతోంది. ఈ ఎపిసోడ్ కోసం ప్రభాస్ అభిమానులు ఎంతగా ఎదురుచూశారో ప్రత్యేకంగా చెప్పనవసరం లేదు. స్ట్రీమింగ్ మొదలైనప్పుడు ప్రభాస్ అభిమానుల తాకిడికి ఆహా యాప్ కొన్ని గంటల పాటు క్రాష్ అయింది. సర్వర్లు డౌన్ కావడంతో సేవలు నిలిచిపోయాయి.
అంతలా ప్రభాస్ ఫ్యాన్స్ ఈ ఎపిసోడ్ కోసం ఎదురు చూశారు. ఏది ఏమైనా అన్ స్టాపబుల్ షోలో ప్రభాస్ ఎపిసోడ్ ని అభిమానులు తెగ ఎంజాయ్ చేస్తున్నారు. పెళ్లి, ప్రేమ వ్యవహారాలు లాంటి విషయాలని బాలయ్య ప్రభాస్ నుంచి చాలా తెలివిగా రాబట్టారు. ప్రభాస్ కూడా తగ్గలేదు. బాలయ్య ప్రశ్నల నుంచి తప్పించుకునే ప్రయత్నం చేశాడు. మధ్యలో రాంచరణ్ తో జరిగిన ఫోన్ సంభాషణ హైలైట్ అని చెప్పొచ్చు.
Prabhas
అప్పుడే ప్రభాస్ అన్ స్టాపబుల్ ఎపిసోడ్ రికార్డుల వేట మొదలు పెట్టింది. 100 మిలియన్ల స్ట్రీమింగ్ మినిట్స్ దాటేసినట్లు ఆహా సంస్థ పేర్కొంది. దీనితో ప్రభాస్ స్టామినా ఏంటి మరోసారి రుజువైంది. ప్రభాస్ ఎక్కడైనా రాజే అంటూ ఫ్యాన్స్ కామెంట్స్ పెడుతున్నారు.
బాలయ్య అన్ స్టాపబుల్ ప్రభాస్ మరో ఎపిసోడ్ కూడా ఉంది. ఈ ఎపిసోడ్ వచ్చే శుక్రవారం ప్రసారం కానుంది. ఈ ఎపిసోడ్ లో ప్రభాస్ స్నేహితుడు, యాక్షన్ హీరో గోపీచంద్ జాయిన్ అవుతాడు.
బాలయ్య ప్రేమ, పెళ్లి లాంటి ప్రశ్నలతో ప్రభాస్ ని ఇబ్బంది పెట్టడం.. దానికి ప్రభాస్ ఇస్తున్న సమాధానాలు అభిమానులని ఆకట్టుకుంటున్నాయి. రెండవ ఎపిసోడ్ లో ప్రభాస్, గోపీచంద్ మధ్య స్నేహం హైలైట్ కానుంది.