పహల్గాం ఉగ్రదాడిపై ట్వీట్, షారుఖ్ ఖాన్ పై ట్రోలింగ్

14

జమ్మూ కాశ్మీర్‌లోని పహల్గాంలో ఏప్రిల్ 22న జరిగిన ఉగ్రదాడిలో 26 మంది మరణించగా, 20 మందికి పైగా గాయపడ్డారు. పైసరన్ లోయలో పర్యాటకులు గుమిగూడినప్పుడు ఈ దారుణ ఘటన జరిగింది. ఉగ్రవాదులు మొదట పర్యాటకుల పేర్లు, మతాన్ని అడిగి, ముస్లింలు కాని వారిని లక్ష్యంగా చేసుకుని దాడి చేశారు. 

24

పహల్గాం దాడి

ఈ దాడి దేశాన్నే కుదిపేసింది. దీనికి అంతర్జాతీయంగా అనేక దేశాలు ఖండించాయి  దాడి తర్వాత గాలింపు చర్యలు చేపట్టిన భద్రతా దళాలు 100 మందికి పైగా అనుమానితులను అరెస్టు చేశాయి. పహల్గాం ఉగ్రదాడిని ఖండిస్తూ పలువురు సినీ ప్రముఖులు కూడా పోస్ట్‌లు పెట్టారు. బాలీవుడ్ నటుడు షారుఖ్ ఖాన్ చేసిన ఖండన పోస్ట్ వివాదాస్పదమైంది. 

34

షారుఖ్ ఖాన్

ఆయన తన ఎక్స్ ఖాతాలో, “పహల్గాంలో జరిగిన అమానుష దాడి వల్ల కలిగిన దుఃఖాన్ని, కోపాన్ని మాటల్లో వర్ణించలేను. ఇలాంటి సమయాల్లో, దేవుడిని ప్రార్థించడం, బాధిత కుటుంబాల కోసం ప్రార్థించడం, నా ప్రగాఢ సానుభూతిని తెలియజేయడం మాత్రమే నేను చేయగలను. ఒక దేశంగా మనం ఐక్యంగా నిలబడి, ఈ పిరికిపంద దాడికి వ్యతిరేకంగా న్యాయం జరిగేలా చూడాలి” అని షారుఖ్ పోస్ట్ చేశారు.

44

మోహన్ దాస్ పై ఎక్స్ పోస్ట్

షారుఖ్ ఖాన్ పోస్ట్‌ను విమర్శిస్తూ ఇన్ఫోసిస్ మాజీ అధికారి మోహన్‌దాస్ పై ఇలా పోస్ట్ చేశారు: “మతం పేరుతో అమాయక హిందువులను చంపినందుకు పాకిస్తాన్‌కు చెందిన ముస్లింలను జిహాదీ ఉగ్రవాదులు అని పిలవకపోవడం చాలా సిగ్గుచేటు షారుఖ్ ఖాన్. నిజాయితీ, అర్థం లేని బూటకపు మాటలతో దాచడానికి ప్రయత్నిస్తున్నారు.

జిహాదీ ఉగ్రవాదులను ఖండించడానికి ఒక్కసారైనా భారతీయుడిగా లేవండి షారుఖ్. అబద్ధాలు చెప్పడం మానేయండి. మీకు నిజంగా శ్రద్ధ ఉంటే, మీ దేశ పురుషులు, మహిళల విశ్వాసం కోసం లేవండి. ఇలాంటి విషయాల్లో కపటంగా, బూటకంగా ఉండటం మానేయండి” అని విమర్శించారు. ఈ విఫయంలో నెటిజన్లు కూడా కొంతమంది మాజీ అధికారికి సపోర్ట్ చేస్తుండగా.. మరికొంత మంది షారుఖ్ కు సపోర్ట్ చేస్తున్నారు.