నేను నిజాలు బయటపెడితే తూ అని ఊంచుతారు.. లావణ్య ఫైర్‌.. రాజ్‌ తరుణ్‌ రియాక్షన్‌ ఇదే..

హీరో రాజ్‌ తరుణ్‌, లావణ్యల వివాదం రోజు రోజుకి మరింత ముదురుతుంది. తాజాగా రాజ్‌ తరుణ్‌ కోసం లావణ్య ప్రసాద్‌ ల్యాబ్‌ వద్ద రచ్చ చేసింది. 

యంగ్‌ హీరో రాజ్‌ తరుణ్‌, లావణ్యల మధ్య రిలేషన్‌ ఇప్పుడు పెద్ద రచ్చ అవుతుంది. తాము పెళ్లి చేసుకున్నామని, పదేళ్లు గా కలిసి ఉంటున్నామని లావణ్య చెబుతుంది. ఇటీవల తనని వదిలేసి హీరోయిన్‌ మాల్వి మల్హోత్రాతో రాజ్‌ తరుణ్‌ కలిసి ఉంటున్నాడు, ఆమె కోసం తనని దూరం పెడుతున్నాడని ఆమె చెబుతుంది. 

మస్తాన్‌ సాయి అనే వ్యక్తితో లావణ్య ఎఫైర్‌ పెట్టుకుందని, డబ్బుల కోసం తనని వాడుకుంటుందని, తన ఇంట్లోనే ఉంటూ తనని బెదిరిస్తుందని అంటున్నాడు రాజ్‌ తరుణ్‌. వీరిద్దరికి సంబంధించిన పలు వీడియోలు, ఆడియోలు లీక్‌ చేసింది లావణ్య. ఒకరిపై ఒకరు ఆరోపణలు పీక్‌ కి వెళ్లాయి. గత కొన్ని రోజులుగా ఈ వివాదం నడుస్తుంది. 

లావణ్య తన నిరసన వ్యక్తం చేస్తుంది. మీడియా ముఖంగా తన బాధని, ఆవేదన వ్యక్తం చేస్తుంది. తాజాగా లావణ్య.. రాజ్‌ తరుణ్‌ని నిలదీసేందుకు వెళ్లింది. హైదరాబాద్ లోని ప్రసాద్‌ ల్యాబ్‌లో రాజ్‌ తరుణ్‌ హీరోగా నటించిన `తిరగబడరా సామీ` ప్రెస్‌ మీట్‌ జరుగుతున్న సమయంలో ఆయన్ని కలిసేందుకు వచ్చింది లావణ్య. లోపల ప్రెస్‌మీట్‌లో రాజ్‌ తరుణ్‌ ఉండగా, బయట ఆమె నిరసన వ్యక్తం చేసింది. అయితే లోపలికి వెళ్లేందుకు పోలీసులు అనుమతించలేదు. దీంతో తన నిరసన వ్యక్తం చేసింది. 

నా రాజ్‌ తరుణ్‌ నాకు కావాలంటూ ఆమె వెల్లడించింది. రాజ్‌ తరుణ్‌ని కలిసి ఆయనతో మాట్లాడానికి వచ్చినట్టు తెలిపింది లావణ్య. ఫోన్‌ ఆఫ్‌ చేసుకుని తప్పించుకుని తిరుగుతున్నాడు. శేఖర్‌ అనే వ్యక్తిని పంపించి క్యారెక్టర్‌ అస్సాసినేషన్‌ చేస్తున్నాడు. ఏం తప్పు చేయని మనిషి ఎందుకు తప్పించుకుంటున్నాడు, ఎందుకు తప్పించుకుని వెళ్లిపోతున్నాడు. నా రాజ్‌ కోసం ఈ పోరాటం అని తెలిపారు. 

ఆవిడ(మాల్వి మల్హోత్రా) సినిమాల కోసమే వస్తే, సినిమాలే చేస్తేఈ రోజు నేను ఇక్కడికి వచ్చేదాన్నికాదు. వాళ్లు రోజూ రాత్రి ఎక్కడ గడుపుతున్నాడు, పగలు ఎక్కడ గడుపుతున్నాడు. నా భర్తతో సంసారం చేసినట్టుగా ఎందుకు ఉంటుంది ఆమె. నా రాజ్‌ నాకు కావాలి`అంటూ వెల్లడించింది లావణ్య. ఆయనకు సంబంధించిన నిజాలన్నీ ఇంకా బయటపెట్టడం లేదు. అవన్నీ బయటపెడితే నిజంగానే మీరంతా తూ అని ఊంచుతారు. మస్తాన్‌ సాయితో తనకు ఉన్న సంబంధాన్ని లీగల్‌గా తేల్చుకుంటానని వెల్లడించింది లావణ్య. 

లావణ్యతో ఇష్యూపై రాజ్‌ తరుణ్‌ స్పందిస్తూ, దీని వల్ల తాను చాలా డిస్టర్బ్ అయ్యానని, మా ఫ్యామిలీని కూడా వదల్లేదని, వాళ్లు కూడా సఫర్‌ అవుతున్నారని తెలిపాడు. ఈ కేసు కోర్ట్ లో ఉందని, ఈ విషయాన్ని న్యాయబద్దంగానే తేల్చుకుంటానని, తాను ఇప్పటి వరకు ఎలాంటి ఫోటోలు, వీడియోలు లీక్‌ చేయలేదని,తన వద్ద చాలా ఉన్నాయని, అవన్నీ కోర్ట్ లో సబ్‌మిట్‌ చేస్తానని తెలిపాడు రాజ్‌ తరుణ్‌. అబార్షన్‌ చేయించి ఉంటే ఆధారాలు ఎక్కడ ఉన్నాయని ఆ ఆధారాలుంటే పోలీసులకు సబ్‌మిట్‌ చేసేవాళ్లు కదా, కేసు ఫైల్‌ చేసేవారు కదా అంటూ ప్రశ్నించారు రాజ్‌ తరుణ్‌.

ఇన్ని రోజులు దీనిపై మీడియా ముందుకు ఎందుకు రాలేదు, ఎందుకు హైడ్‌ అయ్యారనేదానిపై రాజ్‌ తరుణ్‌ మాట్లాడుతూ, బాధ వేసినప్పుడు బయటకు రావడానికి అదోలా ఉంటుందన్నారు. నా సెలబ్రిటీ హోదా డ్యామేజ్‌ అవుతుందనే ఇన్నాళ్లు ఆగానని చెప్పారు. లావణ్య వెనకాల పెద్ద హస్తం ఉందని తాను అనుకోవడం లేదని తెలిపాడు రాజ్‌ తరుణ్‌. మరి ఈ వివాదం ఎంత దూరం వెళ్తుందో చూడాలి.