నీకు ఎవరు దొరకరు, నాకూ ఎవరు దొరకరు, రా ఇద్దరం పెళ్లి చేసుకుందాం..`జబర్దస్త్` జడ్జ్ ఇంద్రజ క్రేజీ లవ్‌ స్టోరీ..

`జబర్దస్త్` జడ్జ్ గా పాపులర్‌ అయిన ఇంద్రజ లవ్‌ స్టోరీ ఇప్పుడు ఆసక్తికరంగా మారింది. చాలా క్రేజీగా తమ లవ్‌ స్టోరీ స్టార్ట్ అయ్యిందని, క్రేజీగా ఒక్కటయ్యామని తెలిపింది ఇంద్రజ.  

నటి ఇంద్రజ ప్రస్తుతం `జబర్దస్త్` జడ్జ్ గా బాగా పాపులర్‌ అయిన విషయం తెలిసిందే. హీరోయిన్‌గా కంటే ఇప్పుడే ఆమెకి మంచి క్రేజ్‌ వచ్చింది. జబర్దస్త్ జడ్జ్ గా తెలుగు ఫ్యామిలీ ఆడియెన్స్ కి బాగా దగ్గరయ్యింది. సోషల్ మీడియాలో ఫాలోయింగ్‌ కూడా ఏర్పడింది. సెకండ్‌ ఇన్నింగ్స్ లో పవర్‌ఫుల్‌ రోల్స్ లోనూ కనిపిస్తూ ఆకట్టుకుంటుంది. ఇటీవల `రజాకార్‌` చిత్రంలో ఐలమ్మ పాత్రలో అదరగొట్టింది. 

ఇదిలా ఉంటే ఇంద్రజ `జబర్దస్త్` ని వీడుతున్నట్టు ఇటీవల ప్రకటించింది. కొంత గ్యాప్‌ తీసుకుంటున్నా అని తెలిపింది. అయితే జబర్దస్త్ షోలో ఓ షోని క్లోజ్‌ చేస్తున్న నేపథ్యంలో ఇంద్రజని తప్పిస్తున్నట్టు తెలుస్తుంది. అయితే ఆమె ప్రతి ఆదివారం `శ్రీదేవి డ్రామా కంపెనీ` షో ద్వారా ఆడియెన్స్ ని అలరించబోతుంది. తన అందమైన స్మైల్‌తో ఆకట్టుకోబోతుంది. యాంకర్‌ రష్మితో కలిసి ఆమె సందడి చేయనుంది.

ఈ సందర్భంగా నటి ఇంద్రజ లవ్‌ స్టోరీ ఇప్పుడు వైరల్‌గా మారింది. ఆమె ఓ ఇంటర్వ్యూలో చెప్పిన విషయాలు ఆసక్తిని రేకెత్తిస్తున్నాయి. ఆమె లవ్‌ స్టోరీ చాలా క్రేజీగా ఉండటం విశేషం. ఇంద్రజ నటుడు, రైటర్‌ మహ్మద్‌ అబ్సర్‌ని వివాహం చేసుకుంది. అయితే పెళ్లికి ముందు ఆరేళ్లుగా ఒకరికొకరు బాగా తెలుసు అట. కామన్‌ ఫ్రెండ్స్ ద్వారా ఆయన పరిచయం అయ్యాడట. దీంతో తరచూ కలుస్తుండేవారట. ఈ క్రమంలో తన ఫ్యామిలీ గురించి ఆయనకు బాగా తెలుసు, తాను ఇద్దరు సిస్టర్స్ ని సెటిల్‌ చేయడం కోసం, ఫ్యామిలీని సెట్‌ చేయడం కోసం చదువు మానేసి ఈ రంగంలోకి వచ్చినట్టు చెప్పింది ఇంద్రజ. 

అలా నటిగా మారి తాను తన ఫ్యామిలీని, సిస్టర్స్ ని సెట్‌ చేశాను. అవన్నీ అబ్సర్‌ చూశాడు. అందుకే తనని ఆయన బాగా అర్థం చేసుకున్నాడు. ఆయన ఫ్యామిలీ గురించి కూడా నాకు తెలుసు. నటుడిగా సీరియల్స్ చేశాడు, రైటర్‌గానూ కొన్ని సినిమాలు, సీరియల్స్ కి పనిచేశాడు. అయితే వారికి ఎక్స్ పోర్ట్ వ్యాపారం ఉంది. దాన్ని చూసుకుంటుంటారు. ఇలా రెండింటిని బ్యాలెన్స్ చేస్తుంటారు. ఈ క్రమంలో నీకు ఎవరు దొరకరు, నాకూ ఎవరు దొరకరు రా ఇద్దరం కలిసి పెళ్లి చేసుకుందామన్నాడు. అలా ఇద్దరం పెళ్లి చేసుకున్నామని, చాలా విచిత్రంగా తాము ఒక్కటయ్యామని తెలిపింది ఇంద్రజ. సుమన్‌ టీవీలో ఈ విషయాలను పంచుకుంది ఇంద్రజ.

ఇంద్రజకి ఓ కూతురు ఉంది. హైయ్యర్‌ ఎడ్యూకేషన్‌ చేస్తుంది. త్వరలోనే ఆమె సినిమాల్లోకి వస్తుందనే పుకార్లు వినిపించాయి. కానీ వస్తుందా లేదా అనేది చూడాలి. ఇక ఇంద్రజ ఓ వైపు జడ్జ్ గా కొనసాగుతూనే, బలమైన పాత్రలు వస్తే సినిమాల్లోనూ నటిస్తూ సెకండ్‌ ఇన్నింగ్స్ లో దూసుకుపోతుంది. తనదైన హుందాతనంతో ఆమె ఆకట్టుకుంటుంది.  

ఇంద్రజ.. 1993లో నటిగా కెరీర్‌ని ప్రారంభించింది. తమిళంలో `ఉజైప్పలి` చిత్రంలో మెరిసింది. ఆ తర్వాత 1994లో `హల్‌ బ్రదర్‌` చిత్రంలో స్పెషల్‌ సాంగ్‌తో టాలీవుడ్‌ ఎంట్రీ ఇచ్చింది. ఇందులో `కన్నెపిట్టరో` పాత్రలో దుమ్మురేపిన విషయం తెలిసిందే. `యమలీల` మూవీ ఇంద్రజకి తెలుగులో పెద్ద హిట్‌ ఇచ్చింది. తెలుగులో చాలా సినిమాలు చేసింది కానీ పెద్ద హిట్లు మాత్రం రాలేదు. కానీ తెలుగులో మాత్రం జయాపజయాలకు అతీతంగా రాణించింది. స్టార్‌ హీరోయిన్‌గా వెలిగింది ఇంద్రజ.