సినిమాలకు ఇక గుడ్ బై... సౌత్ ఇండియాలో.. తన ఫేవరెట్ స్పాట్ లో ఇల్లు కట్టుకోబోతున్న ఆమిర్ ఖాన్, కారణం ఇదే..?

బాలీవుడ్  స్టార్ హీరోగా.. రికార్డ్ ల రారాజుగా వెలుగు వెలిగాడు ఆమీర్ ఖాన్. కొంత కాలంగా సినిమాలకు దూరంగా ఉంటోన్న ఆయన.. పర్మినెంట్ గా మూవీస్ కు గుడ్ బై చెప్పా.. సౌత్ ఇండియాలో సెటిల్ కాబోతున్నాడట. ఇంతకీ ఆమిర్ ఖాన్ ఎక్కడ ఉండబోతున్నాడో తెలుసా..? 

ఆమీర్ ఖాన్ బాలీవుడ్ లో స్టార్ సీనియర్ హీరో.. టాప్ స్టార్. చాలా కాలంగా సినిమాలకు దూరంగా ఉంటున్నాడు ఆమిర్..  అతని చివరి సినిమా లాల్ సింగ్ చద్దా. 2022లో  రిలీజ్ అయిన ఈసినిమా హాలీవుడ్ మూవీ ఫారెస్ట్ కోంబ్ కు రీమేక్ గా తెరకెక్కబడింది.  ఇందులో టాలీవుడ్ యంగ్ హీరో నాగ చైతన్య కూడా ప్రధాన పాత్రలో కనిపించాడు. ఎన్నో అంచనాల మధ్య విడుదలైన ఈ సినిమా డిజాస్టర్ గా నిలిచింది. 

లాల్ సింగ్ చద్దా  సినిమా పరాజయం తరువాత, అమీర్ ఖాన్ కొన్నాళ్ళు సినిమా నుండి విరామం తీసుకోవాలని నిర్ణయించుకున్నాడు. అంతే కాదు అప్పటినుంచి అతను ఏ సినిమాను కమిట్ అవ్వలేదు. రీసెంట్ గా తన కూతురు ఇరాఖాన్ వివాహం ఘనంగా నిర్వహించారు ఆమీర్ ఖాన్. ఇండియాలోని అన్ని పరిశ్రమల నుంచి ఎంతో మంది సెలబ్రిటీలు ఈ పెళ్ళికి హాజరయ్యారు. 

కాగా అమీర్ ఖాన్ ఇక సినిమాలు పర్మినెంట్ గా గుడ్ బై చెపుతారని టాక్ వినిపిస్తోంది. ఆయన గత కొద్దికాలంగా చెన్నెలో ఉంటున్నారు. అమీర్ ఖాన్ తల్లి  అనారోగ్యం కారణంగా చెన్నైలో చికిత్స పొందుతున్నారు. ఇక తన  తన తల్లి ట్రీట్మెంట్ కోసం  అమీర్ ఖాన్ చెన్నైలో స్థిరపడ్డాడు. అమీర్ ఖాన్ కొన్ని నెలలుగా నటుడు విష్ణు విశాల్ ఇంట్లో ఉంటూ వస్తున్నారు.  

కాగా ఆయన సినిమాలకు పూర్తిగా గుడ్ బై చెప్పి తమిళనాట సెటిల్ అవుతాడు అని సినీ వార్గాల్లో చర్చ నడుతోంది.  అమీర్ ఖాన్ ముంబైలోని బాంద్రా ప్రాంతంలో కోట్లాది రూపాయల లగ్జరీ బంగ్లాను కలిగి ఉన్నాడు, అయితే తమిళనాట ప్రకృతి రమణీయమైన ప్రదేశం అయిన..  కూనూర్‌లో తన సొంత ఇల్లు కొని స్థిరపడాలనేది ఆమీర్ ఖాన్ కల. 

Aamir Khan

ఈ విషయాన్ని ఆయన గతంలో అనగా.. 1994లో ఇచ్చిన ఓ ఇంటర్వ్యూలో అమీర్ ఖాన్ తన మనసులోని మాటను బయటపెట్టాడు. అందుకు తగ్గట్టు  ఆయన సమాధానం ఇచ్చారు. నేను సినిమాల్లో నటించడం మానేస్తే నా భార్య రీనా దత్తా చాలా సంతోషంగా ఉంటుంది. నటించడం మానేస్తే ఏం చేస్తాడన్న ప్రశ్నకు అమీర్ ఖాన్ సమాధానమిస్తూ.. కుటుంబంతో కలిసి కూనూర్ వెళ్లి కొత్త జీవితం ప్రారంభిస్తానని చెప్పాడు. 

ఇక ఇప్పుడు భార్యక విడాకులిచ్చి సోలో లైఫ్ ను లీడ్ చేస్తున్న ఆయన.. తన పిల్లలతో నివసించడానికి కూనూర్  బెస్ట్ ప్లేస్ అని అనుకుంటున్నాడట.  అందుకే అమీర్ అక్కడ తన సొంత ఇల్లు కొనే ఆలోచనలో ఉన్నాడు. ఇది చాలా కాలంగా నా కల అని అంటున్నాడు ఆమీర్.. ముంబైలో కోట్లాది ఆస్తులున్నప్పటికీ నటుడు అమీర్ ఖాన్ కూనూర్‌లో స్థిరపడాలనుకుంటున్నారనే వార్త అందరినీ ఆశ్చర్యానికి గురి చేస్తోంది. మరి ఇది నిజం అవుతందా లేదా అనేది చూడాలి.