లక్షలు తెచ్చిన శ్రీహాన్, సంబరాల్లో సిరి... గిఫ్టులు, పార్టీలు, వెకేషన్స్... డబ్బులు దుమ్ముదుమారమే అంట!

 సిరికి విలువైన గిఫ్ట్ కొనిస్తాడట శ్రీహాన్. సిరికి నేను మంచి గిఫ్ట్ ఇచ్చింది లేదు. ఆమె కోసం ఒక గిఫ్ట్ కొంటాను. సొంతింటి కల కోసం ఈ డబ్బులు ఖర్చు చేస్తానని శ్రీహాన్ చెప్పారు.

Bigg Boss Telugu 6

బిగ్ బాస్ సీజన్ 6 (Bigg Boss Telugu 6) తో ఇద్దరు కంటెస్టెంట్స్ ఆర్థికంగా లబ్ధి పొందారు. ప్రతి సీజన్ కి విన్నర్ ఒక్కరే పెద్ద మొత్తంలో ఎత్తుకెళ్తారు. ఈసారి రేవంత్, శ్రీహాన్ చెరో సగం పంచుకున్నారు. ప్రైజ్ మనీ రూ. 50 లక్షలు, మరో రూ. 25 లక్షల విలువైన ఫ్లాట్, కారు బిగ్ బాస్ తెలుగు 6 విన్నర్ కి దక్కుతాయి. 

టైటిల్ విజేత గెలుచుకునే రూ. 85 లక్షల విలువైన బహుమతుల్లో రూ. 40 లక్షలు శ్రీహాన్(Sreehan) సొంతం చేసుకున్నాడు. టైటిల్ అందుకుంటానని నమ్మకం లేని కంటెస్టెంట్ రూ. 40 లక్షలు తీసుకొని వెళ్లిపోవచ్చని నాగార్జున ఆఫర్ ఇచ్చారు. రేవంత్(Revanth)-శ్రీహాన్ చాలా సేపు ఆలోచించారు. కంటెస్టెంట్స్, పేరెంట్స్ డబ్బులు తీసుకోమని సలహా ఇవ్వడంతో శ్రీహాన్ అంగీకరించాడు. 

అయితే దురదృష్టవశాత్తు విన్నర్ శ్రీహాన్ అని నాగార్జున ఓట్ల ఆధారంగా ఫలితం వెల్లడించారు. ఆ విధంగా శ్రీహాన్ టైటిల్ తో పాటు మొత్తంలో బహుమతులు గెలుచుకునే అవకాశం కోల్పోయాడు. ఏది ఏమైనా విన్నర్  పొందే మొత్తం బహుమతుల విలువలో సగం శ్రీహాన్ కి దక్కింది. 

నాగార్జున(Nagarjuna) ఆఫర్ చేసిన రూ. 40 లక్షలతో పాటు 15 వారాలు హౌస్లో ఉన్నందుకు పారితోషికం కూడా శ్రీహాన్ అందుకోనున్నాడు. వారానికి ఒక లక్ష లక్షన్నర రూపాయలు ఇచ్చినా మరో 15-20 లక్షలు శ్రీహాన్ ఖాతాలో పడతాయి. తక్కువలో తక్కువ శ్రీహాన్ రూ. 55 లక్షలు గెలుచుకున్నట్లే. మరి ఈ డబ్బులతో శ్రీహాన్ ఏమి చేయనున్నాడని అభిమానులు చర్చించుకుంటున్నారు. 

ఇక పెద్ద మొత్తంలో బిగ్ బాస్ షో ద్వారా శ్రీహాన్ గెలిచిన నేపథ్యంలో లవర్ సిరి సంబరాల్లో తేలుతుంది. ఆమె సంతోషానికి హద్దులు లేవు. శ్రీహాన్ విజయాన్ని మొత్తంగా ఆస్వాదిస్తోంది. అయితే శ్రీహాన్ విజయంలో సిరి పాత్ర ఉంది. ఫ్యామిలీ వీక్ లో బిగ్ బాస్ హౌస్లోకి వెళ్లిన సిరి... శ్రీహాన్ ని గొప్పగా గైడ్ చేసింది. తన ఆట మార్చుకొని శ్రీహాన్ ఫైనల్ కి చేరాడు. 

ఈ క్రమంలో ఈ డబ్బుల నుండి ఫస్ట్ సిరికి విలువైన గిఫ్ట్ కొనిస్తాడట శ్రీహాన్. సిరికి నేను మంచి గిఫ్ట్ ఇచ్చింది లేదు. ఆమె కోసం ఒక గిఫ్ట్ కొంటాను. అలాగే ఒక ఇల్లు నిర్మించుకోవాలనే కల ఎప్పటి నుండో ఉంది. సువర్ణభూమి వాళ్ళు 50% ఆఫర్ ఇచ్చారు కాబట్టి. సొంతింటి కల కోసం ఈ డబ్బులు ఖర్చు చేస్తానని శ్రీహాన్ చెప్పారు.

srihan, siri

ఇక సిరి(Siri)తో పార్టీలు, విహారాలు కూడా ప్లాన్ చేశాడని తెలుస్తుంది. అలాగే మిత్రులకు గ్రాండ్ ట్రీట్ ఇవ్వనున్నాడట. మొత్తంగా బిగ్ బాస్ శ్రీహాన్ కెరీర్ కి మంచి మలుపు ఇచ్చింది. ఫేమ్ తో పాటు ఆర్థికంగా కొంత సప్పోర్ట్ ఇచ్చింది.