మలయాళ మెగాస్టార్కి.. టాలీవుడ్ మెగాస్టార్ విషెస్
మలయాళ మెగాస్టార్ మమ్ముట్టికి టాలీవుడ్ మెగాస్టార్ చిరంజీవి బర్త్ డే విశెష్ తెలిపారు. ఆయన ఉన్న టైమ్లో తాను ఉన్నందుకు గర్వపడుతున్నానని చిరంజీవి చెప్పడం విశేషం.
మలయాళ మెగాస్టార్ మమ్ముట్టికి టాలీవుడ్ మెగాస్టార్ చిరంజీవి బర్త్ డే విశెష్ తెలిపారు. ఆయన ఉన్న టైమ్లో తాను ఉన్నందుకు గర్వపడుతున్నానని చిరంజీవి చెప్పడం విశేషం. మలయాళంలో అగ్ర హీరోల్లో ఒకరిగా, తిరుగులేని టాప్ స్టార్గా ఉన్న `మమ్ముక్క' మమ్ముట్టి నేడు(సోమవారం) 68వ పుట్టిన రోజుని జరుపుకుంటున్నారు.
ఈ సందర్భంగా చిరంజీవి.. మమ్ముట్టికి ట్విట్టర్ ద్వారా బర్త్ డే విశెష్ తెలిపారు. `జన్మదిన శుభాకాంక్షలు ప్రియతమ మమ్ముక్క. ఈ అద్భుతమైన పరిశ్రమలో మీ కొలిగ్గా ఉన్నందుకు గర్వపడుతున్నాను. ఇన్నేళ్ళుగా మీరు ఎంతో విలువైన సంపదని ప్రేక్షకులకు అందించారు. మీరు మరెన్నో సంవత్సరాలు ఇలానే ప్రేక్షకులను అలరించాలని కోరుకుంటున్నా` అంటూ చివరగా మలయాళంలో శుభాకాంక్షలు తెలపడం విశేషం. చిరు బర్త్ డే విశెష్ సోషల్ మీడియాలో ట్రెండ్ అవుతున్నాయి.
చిరంజీవితోపాటు మలయాళ సినీ తారలు, అలాగే సౌత్ స్టార్స్ మమ్ముట్టికి పుట్టిన రోజు శుభాకాంక్షలు తెలియజేస్తున్నారు. ఇక గతేడాది `మామాంగం` చిత్రంతో మెప్పించిన మమ్ముట్టి ప్రస్తుతం `ది ప్రీస్ట్`,`వన్` చిత్రాల్లో నటిస్తున్నారు.