ప్రియాంక రెడ్డి కేసు: చిలుకూరు బాలాజీ ఆలయం మూసివేత
ప్రియాంక రెడ్డి ఘటనకు నిరసనగా శనివారం చిలుకూరు బాలాజీ ఆలయాన్ని మూసివేశారు. చిలుకూరు బాలాజీ ఆలయం ఎదుట భక్తులతో మహా ప్రదక్షణ చేయించారు. మహిళలను రక్షించుకుందామంటూ నినాదాలు చేశారు.
హైదరాబాద్: డాక్టర్ ప్రియాంక రెడ్డి ఘటనకు నిరసనగా శనివారంనాడు రంగారెడ్డి జిల్లా చిలుకూరు బాలాజీ ఆలయాన్ని మూసేశారు. శనివారం ఉదయం 11 గంటల నుంచి 20 నిమిషాల పాటు ప్రదక్షణలు, దర్శనాలను పూర్తిగా నిలిపేశారు. ఆ తర్వాత ఆలయం ఎదుట భక్తులతో మహా ప్రదక్షణ చేయించారు.
రక్షిద్దాం.. రక్షిద్దాం.. స్త్రీజాతిని రక్షిద్దాం అంటూ భక్తులు పెద్ద పెట్టున నినాలాదు చేస్తూ భక్తులు మహాప్రదక్షణ చేశారు. ఈ సందర్భంగా ఆలయ అర్చకుడు రంజరాజన్ మాట్లాడారు. ఆడపిల్లలపై అఘాయిత్యాలు ఆగకపోవడంపై ఆయన ఆవేదన వ్యక్తం చేశారు.
వరుసగా జరుగుతున్న సంఘటనలు చూస్తుంటే సమాజం ఎటు వెళ్తుందో అర్థం కావడం లేదని ఆయన అన్నారు. 9 నెలల పాప నుంచి 80 ఏళ్ల వృద్ధుల వరకు, ఎవరికీ రక్షణ లేకుండా పోయిందని ఆయన ఆవేదన వ్యక్తం చేశారు.
Also Read: ప్రియాంక రెడ్డి కేసు: ముగ్గురు పోలీసులపై సస్పెన్షన్, గోడ కూల్చివేత
దేశంలో మహిళలు సురక్షితంగా ఉండాలని భగవంతుడిని ప్రార్థించామని రంగరాజన్ చెప్పారు ఈ కార్యక్రమంలో ఆలయ మేనేజింగ్ కమిటీ కన్వీనర్ గోపాలకృష్ణ, అర్చకులు కన్నయ్య, మురళి తదితరులు పాల్గొన్నారు.
వెటర్నరీ డాక్టర్ ప్రియాంక రెడ్డిపై నలుగురు కీచకులు అత్యాచారం చేసి, ఆమెను హత్య చేసిన విషయం తెలిసిందే. ఈ సంఘటన తీవ్ర సంచలనం సృష్టించింది. ప్రజల నుంచి తీవ్ర ఆగ్రహావేశాలు వ్యక్తమవుతున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
