లండన్: ఆస్ట్రేలియా స్పిన్నర్ షేన్ వార్న్ స్త్రీలోలుడనే విషయం ప్రపంచానికి తెలిసిందే. ఈ విషయంలో అతను వార్తల్లో నిలువడం పరిపాటిగా మారింది. మూడు రోజుల క్రితం ఆయన తన అజ్ఞాత ప్రేయసి ఒకరిని, ఇద్దరు సెక్స్ వర్కర్ల ఇంటికి తీసుకుని వచ్చి నలుగురు శృంగార కార్యకలాపాల్లో మునిగిపోయారు. 

షేన్ వార్న్ ప్రేయసి పేరు ఇంకా బయటకు తెలియదు. ఇద్దరు సెక్స్ వర్కర్లను 19 ఏళ్ల డవీనా, 27 ఏళ్ల పాప్పిలుగా గుర్తించారు. వారితో షేన్ వార్న్ చేసుకుంటున్న పార్టీ పక్కింటి వారికి చిరాకు పెట్టింది. గత మంగళవారం జరిగిన ఈ సంఘటనను సన్ పత్రిక బయటపెట్టింది. 

షేన్ వార్న్ తన పడక గది తలుపులు తెరిచి ఉంచి సరస సల్లాపాలు కొనసాగించాడు. పక్కింటివారు ఆ దృశ్యాలను చూసి చిరాకుతో ఓ స్థానిక టీవీ చానెల్ కు ఫిర్యాదు చేశారు. టీవీ బృందం వచ్చేసరికి ఇద్దరు సెక్స్ వర్కర్లను తీసుకుని తన అజ్ఞాత ప్రేయసితో షేన్ వార్న్ కారులో పారిపోయాడని ఆ పత్రిక రాసింది. 

ఈ వ్యవహారమంతా లండన్ వాయవ్య ప్రాంతంలోని షేన్ వార్న్ కు చెందిన అత్యంత విలువైన మైడా వాలే నివాసంలో జరిగింది. సన్ పత్రిక వివరాల ప్రకారం - సెక్స్ వర్కర్లలో డవీనా రెండు గంటలకు 40 వేలు, పాప్పి ప్రతి రెండు గంటలకు 50 వేలు చార్జీ చేస్తారు. 

డవీనాకు మార్కెట్లో పాకెట్ రాకెట్ అని, పాప్పికి పార్టీ గర్ల్ అని పేర్లున్నాయి. షేన్ వార్న్ తన జీవితంలో ఇప్పటికే పలువురు అమ్మాయిలను ప్రేమించాడు. వారిలో ఒకరిద్దరిని పెళ్లి చేసుకుని వదిలేశాడు.