రాకేష్ రెడ్డి ఫోన్ చేసిన మాట నిజమే: ఏసీపీ మల్లారెడ్డి

రాకేష్ నాతో ఫోన్లో మాట్లాడిన మాట వాస్తవమేనని ఇబ్రహీంపట్నం ఏసీపీ మల్లారెడ్డి చెప్పారు.జయరామ్‌ను హత్య చేసిన తర్వాత మృతదేహాన్ని తరలించేందుకు పోలీసుల సహకారాన్ని తీసుకొన్నట్టుగా  రాకేష్ రెడ్డి పోలీసుల విచారణలో వెల్లడించిన విషయం తెలిసిందే.

హైదరాబాద్: రాకేష్ నాతో ఫోన్లో మాట్లాడిన మాట వాస్తవమేనని ఇబ్రహీంపట్నం ఏసీపీ మల్లారెడ్డి చెప్పారు.జయరామ్‌ను హత్య చేసిన తర్వాత మృతదేహాన్ని తరలించేందుకు పోలీసుల సహకారాన్ని తీసుకొన్నట్టుగా  రాకేష్ రెడ్డి పోలీసుల విచారణలో వెల్లడించిన విషయం తెలిసిందే.

మంగళవారం నాడు రాకేష్ రెడ్డి విషయమై ఇబ్రహీంపట్నం ఏసీపీ మల్లారెడ్డి స్పందించారు.  ఇద్దరు వ్యక్తులు గొడవ పడ్డారని... ఈ గొడవలో ఒకరు కిందపడిపోయారని రాకేష్ రెడ్డి తనకు ఫోన్ చేసి చెప్పారని మల్లారెడ్డి తెలిపారు.

అయితే ఈ ఘటనపై సమీప పోలీస్‌స్టేషన్‌లో సమాచారం ఇవ్వాలని తాను రాకేష్ రెడ్డికి సూచించినట్టుగా ఆయన తెలిపారు. కానీ, ఆ సమయంలో జయరామ్‌ను హత్య చేసిన విషయాన్ని రాకేష్ రెడ్డి తనకు చెప్పలేదని  ఆయన  వివరణ ఇచ్చారు.

పాత కేసులో నిందితుడిగా ఉన్న రాకేష్ రెడ్డి  అప్పుడప్పుడూ తనతో ఫోన్‌లో  మాట్లాడేవాడని ఏసీపీ మల్లారెడ్డి ప్రకటించారు.  ఈ విషయమై తనకు ఇంతకు మించి సమాచారం తెలియదన్నారు. జయరామ్ హత్య విషయం మీడియా ద్వారానే తెలుసుకొన్నట్టుగా  ఆయన వివరించారు.

సంబంధిత వార్తలు