శ్రావణి హత్య కేసులో నిర్లక్ష్యం, ఎస్సై వెంకటేష్ సస్పెన్షన్: సీపీ మహేశ్ భగవత్

ఎస్సై వెంకటేశ్ నిర్లక్ష్యంగా వ్యవహరించినట్లు తెలియడంతో ఆయనను సస్పెండ్ చేశారు. మరోవైపు శ్రావణి, మనీషాల కేసు దర్యాప్తు జరుగుతుందని తెలిపారు. కేసు దర్యాప్తు బాధ్యతను భువనగిరి ఏసీపీ భుజంగరావుకు అప్పగించినట్లు సీపీ మహేష్ భగవత్ స్పష్టం చేశారు. 

యాదాద్రి: తెలంగాణలో కలకలం రేపిన పదోతరగతి విద్యార్థిని శ్రావణి హత్య కేసుకు సంబంధించి చర్యలకు సిద్ధమైంది పోలీస్ శాఖ. శ్రావణి హత్య కేసులో నిర్లక్ష్యంగా వ్యవహరించిన ఎస్సై వెంకటేష్ ను సస్పెండ్ చేశారు సీపీ మహేశ్ భగవత్. 

శ్రావణి మిస్సైన రోజు తమ అమ్మాయి ఆచూకీ తెలపాలంటూ ఎస్సైను సంప్రదించగా నిర్లక్ష్యంగా సమాధానం చెప్పినట్లు బాధితులు డీఎస్పీకి, సీపీకి ఫిర్యాదు చేశారు. అంజనం వేసుకుని వెతుక్కోవాలంటూ చెప్పారని తెలిపారు. 

ఎస్సై వెంకటేశ్ సకాలంలో స్పందించి ఉంటే శ్రావణిని ప్రాణాలతో అయినా దక్కించుకునేవారిమని వారంతా చెప్పుకొచ్చారు. పోలీసుల తీరును నిరసిస్తూ పోలీస్ వాహనాలను ధ్వసం చేశారు. దీనిపై విచారణ జరిపిన సీపీ మహేష్ భగవత్ ఎస్సై వెంకటేష్ ను బదిలీ చేశారు. హెడ్ ఆఫీస్ కి ఎటాచ్ చేశారు. 

ఎస్సై వెంకటేశ్ నిర్లక్ష్యంగా వ్యవహరించినట్లు తెలియడంతో ఆయనను సస్పెండ్ చేశారు. మరోవైపు శ్రావణి, మనీషాల కేసు దర్యాప్తు జరుగుతుందని తెలిపారు. కేసు దర్యాప్తు బాధ్యతను భువనగిరి ఏసీపీ భుజంగరావుకు అప్పగించినట్లు సీపీ మహేష్ భగవత్ స్పష్టం చేశారు. 

ఈ వార్తలు కూడా చదవండి