హుజూర్‌నగర్ ఉప ఎన్నికలు: సీపీఎం అభ్యర్ధి పారేపల్లి శేఖర్ రావు

హుజూర్ నగర్ అసెంబ్లీ స్థానానికి జరిగే ఉప ఎన్నికల్లో పోటీ చేయాలని సీపీఎం నిర్ణయం తీసుకొంది. 

హుజూర్‌నగర్: హుజూర్‌నగర్  అసెంబ్లీ స్థానానికి అక్టోబర్ 21న జరిగే ఉప ఎన్నికల్లో పోటీ చేస్తున్నట్టు ప్రకటించింది. మాజీ ఎంపీపీ పారేపల్లి శేఖర్ రావు పేరును సీపీఎం ఆదివారం నాడు ప్రకటించింది.

2018 డిసెండర్ 7వ తేదీన అసెంబ్లీ ఎన్నికల్లో కూడ హుజూర్‌నగర్  స్థానంలో సీపీఎం పోటీ చేసింది. ఆ సమయంలో కూడ పారేపల్లి శేఖర్ రావును సీపీఎం బరిలోకి దించింది.

ఆ ఎన్నికల్లో  సీపీఎంకు 2121 ఓట్లు వచ్చాయి. బీజేపీ అభ్యర్ధి భాగ్యారెడ్డికి 1555 ఓట్లు వస్తే, నోటాకు 1621 ఓట్లు వచ్చాయి. ఈ ఏడాది అక్టోబర్ 21న జరిగే ఉప ఎన్నికల్లో సీపీఎం కూడ బరిలోకి దిగుతోంది. గత ఎన్నికల్లో పోటీ చేసిన శేఖర్ రావును మరోసారి ఆ పార్టీ బరిలోకి దింపుతోంది. ఈ ఏడాది ఏప్రిల్ మాసంలో జరిగిన పార్లమెంట్ ఎన్నికల్లో కూడ  సీపీఎంకుఈ నియోజకవర్గంలో 2121 ఓట్లు వచ్చాయి.

హుజూర్‌నగర్ అసెంబ్లీ స్థానానికి తాము పోటీ చేస్తున్నట్టుగా సీపీఎం ప్రకటించింది. ఈ మేరకు ఆదివారం నాడు ఆ పార్టీ ఓ ప్రకటనను విడుదల చేసింది.1967లో జరిగిన ఎన్నికల్లో ఈ స్థానం నుండి డి. నరసయ్య సీపీఎం అభ్యర్ధిగా పోటీ చేసి రెండో స్థానంలో నిలిచారు.

ఈ నియోజకవర్గంలో సీపీఐ, సీపీఎంకు గతంలో గణనీయమైన ఓట్లుండేవి. ఈ పార్టీల ప్రభావం ఇంకా కూడ ఈ నియోజకవర్గంపై ఉంటుంది. ఆయా పార్టీల అభ్యర్ధుల గెలుపు ఓటములను ఈ పార్టీలు ప్రభావితం చేసే అవకాశం ఉంది.

సంబంధిత వార్తలు: