చిదంబరం బెయిల్ పిటిషన్‌పై విచారణ సోమవారానికి వాయిదా

ఐఎన్ఎక్స్ మీడియాలో కేసులో మాజీ కేంద్రమంత్రి, కాంగ్రెస్ సీనియర్ నేత పి. చిదంబరం బెయిల్ పిటిషన్‌పై విచారణను సుప్రీంకోర్టు సోమవారానికి వాయిదా వేసింది. చిదంబరం తరపున కాంగ్రెస్ నేత, న్యాయవాది కపిల్ సిబాల్ వాదనలు వినిపించారు. 

ఐఎన్ఎక్స్ మీడియాలో కేసులో మాజీ కేంద్రమంత్రి, కాంగ్రెస్ సీనియర్ నేత పి. చిదంబరం బెయిల్ పిటిషన్‌పై విచారణను సుప్రీంకోర్టు సోమవారానికి వాయిదా వేసింది. అయితే ఇదే వ్యవహారానికి సంబంధించి ఈడీ కేసులో మాత్రం చిదంబరానికి ముందస్తు బెయిల్ లభించింది.

చిదంబరం తరపున కాంగ్రెస్ నేత, న్యాయవాది కపిల్ సిబాల్ వాదనలు వినిపించారు. ఎన్‌ఫోర్స్‌మెంట్ డైరెక్టరేట్ నుంచి రక్షణ కోరుతూ దాఖలు చేసిన పిటిషన్‌‌పై శుక్రవారం విచారణ జరిపిన సర్వోన్నత న్యాయస్థానం.. చిదంబరానికి ముందుస్తు బెయిల్ మంజూరు చేసింది.

ఆగస్టు 26 (సోమవారం) వరకు ఈడీ అధికారులు ఆయనను అరెస్ట్ చేయరాదని స్పష్టం చేసింది. కానీ చిదంబరం విచారణకు మాత్రం సహకరించాలని సూచించింది. ఈడీ, సీబీఐ రెండు కేసులపైనా సోమవారం విచారణ జరుపుతామని వెల్లడించింది. ఆయన అరెస్ట్ సందర్భంగా సీబీఐ నిబంధనలు పాటించలేదని కపిల్ సిబాల్ ఆరోపించారు.

నాలుగు రోజుల కస్టడీని ఛాలెంజ్ చేసిన చిదంబరం న్యాయవాదులు... ఇది వ్యక్తిగత స్వేచ్ఛకు సంబంధించిన అంశమని, ఈడీ ఎలాంటి అఫిడవిట్‌ను దాఖలు చేయలేదని వాదించారు. ఎన్‌ఫోర్స్‌మెంట్ నోటీసును ఢిల్లీ హైకోర్టు న్యాయమూర్తి మక్కికి మక్కీ కాపీ చేశారని సిబాల్ ఆరోపించారు.