అసలు అర్జున్ ఆ సీనే వద్దన్నారు.. దర్శకుడి కామెంట్స్!

ప్రస్తుతం సినీ పరిశ్రమలో మీటూ ఉద్యమం ప్రకంపనలు రేపుతోన్న సంగతి తెలిసిందే. ఇందులో భాగంగా నటి శ్రుతి హరిహరన్ సీనియర్ హీరో అర్జున్ తనతో అసభ్యంగా ప్రవర్తించాడని షాకింగ్ కామెంట్స్ చేసింది. 

తెలుగు, కన్నడ భాషల్లో తెరకెక్కిన ఓ సినిమా షూటింగ్ సమయంలో రిహార్సల్స్ చేస్తున్నప్పుడు కావాలని అర్జున్ తనను బలవంతంగా కౌగిలించుకున్నాడని ఆ తరువాత తప్పుగా ప్రవర్తించాడని ఆమె అంది.

ఈ మాటలను అర్జున్ ఖండించారు. ఆమె ఇటువంటి ఆరోపణలు చేయడం వెనుక ఎవరి హస్తమైనా ఉండి ఉంటుందని అర్జున్ అన్నారు. తాజాగా శ్రుతి చేసిన ఆరోపణలపై ఆ సినిమా దర్శకుడు అరుణ్ వైద్యనాథన్ స్పందించాడు. ''ఆ సీన్ చాలా రొమాంటిక్ గా ఉంటుంది. దాని గురించి నేను అర్జున్ కి వివరించినప్పుడు ఆయన వద్దన్నారు.

నాకు టీనేజ్ వయసు కూతురుంది. ఈ వయసులో అలాంటి సీన్లు చేస్తే బాగోదని అర్జున్ నాకు చెబితే.. నేను ఆయనకి సర్ది చెప్పి ఆ సీన్ ని పూర్తి చేశాను. అలాంటిది ఇప్పుడు శ్రుతి ఆరోపణలు వింటుంటే షాకింగ్ గా ఉంది. అర్జున్ ఓ జెంటిల్మెన్. నాకు అర్జున్, శ్రుతి ఇద్దరూ స్నేహితులే'' అంటూ చెప్పుకొచ్చారు. 

ఇవి కూడా చదవండి..