Entertainment

వాళ్ల కోసం గుండు కొట్టించుకున్నా.. చిరు, బాలయ్యలపై వేణుమాధవ్ వ్యాఖ్యలు!

By AN TeluguFirst Published Sep 25, 2019, 2:14 PM IST

Highlights

తన మేనరిజమ్స్ తో మనల్ని ఎంతో నవ్వించిన వేణుమాధవ్ ఇక లేరనే విషయాన్ని సినీ జనాలు భరించలేకపొతున్నారు. గతంలో ఆయన పాల్గొన్న కొన్ని ఇంటర్వ్యూలలో చిరు, బాలయ్యలపై తన ప్రేమను చాటుకున్నారు.

ఇండస్ట్రీలో కమెడియన్ గా ఎంతోమంచి గుర్తింపు తెచ్చుకున్న వేణుమాధవ్ మరణ వార్తతో ఇండస్ట్రీ శోక సంద్రంలో మునిగిపోయింది. తన మేనరిజమ్స్ తో మనల్ని ఎంతో నవ్వించిన వేణుమాధవ్ ఇక లేరనే విషయాన్ని సినీ జనాలు భరించలేకపొతున్నారు.

గతంలో ఆయన పాల్గొన్న కొన్ని ఇంటర్వ్యూలలో చిరు, బాలయ్యలపై తన ప్రేమను చాటుకున్నారు. చిరూ సినిమా కోసం తాను గుండు కొట్టించుకున్నానని,బాలకృష్ణ 100వ సినిమా గౌతమీ పుత్ర శాతకర్ణి కోసం కూమా తిరుపతిలో గుండు కొట్టించుకున్నాననీ చెప్పాడు.

వాళ్లిద్దరూ అంటే తనకు చాలా ఇష్టమని.. ఇద్దరితోనూ మంచి అనుబంధం ఉందని అన్నారు. ఒక సినిమాకి వినాయక్ దర్శకుడైతే .. మరో సినిమాకి దర్శకుడు క్రిష్. వాళ్లిద్దరూ తనకు మంచి మిత్రులేనని.. నటుడిగా తన రేంజ్ పెరిగేలా చేసింది వినాయక్ అని.. క్రిష్ తోను ఎంతో సాన్నిహిత్యం వుందని చెప్పారు.

ఆ కారణంగా సినిమాలు హిట్ కావాలని అలా చేశానే తప్ప .. వాళ్లను కాకా పట్టడం కోసం కాదని చెప్పారు. ఇప్పుడు వేణుమాధవ్ మృతదేహాన్ని కాప్రా హెచ్ బీ కాలనీ మంగాపురంలోకి తీసుకురానున్నారు.

వాళ్ల కోసం గుండు కొట్టించుకున్నా.. చిరు, బాలయ్యలపై వేణుమాధవ్ వ్యాఖ్యలు!

Related Posts