Entertainment

ఛాన్సుల కోసం ఎవరినీ అడుక్కోను.. వేణుమాధవ్ కామెంట్స్!

By AN TeluguFirst Published Sep 25, 2019, 1:24 PM IST

Highlights

ఇండస్ట్రీలో ఎన్నో పరిచయాలు ఉన్నాయి కదా.. పెద్ద హీరోలు, నటులెవరూ మిమ్మల్ని రికమెండ్ చేయలేదా..? అని గతంలో వేణుమాధవ్ ని ప్రశ్నిస్తే దానికి ఆయన ఆ అవసరం తనకు లేదని చెప్పాడు.

కమెడియన్ వేణుమాధవ్ కాలేయ సంబంధిత వ్యాధితో బుధవారం నాడు మరణించిన సంగతి తెలిసిందే. గత కొంతకాలంగా అనారోగ్యంతో బాధ పడుతున్న ఆయన చికిత్స పొందుతూ మరణించారు. ఆయన మరణించడానికి ముందు చాలా కాలంగా ఆయన సినిమాల్లో కనిపించలేదు.

ఈ విషయంపై ఆయన ఓ ఇంటర్వ్యూలో స్పందించి తనకు అవకాశాలు వచ్చినా బూతు కంటెంట్ ఉన్న కథలు కావడంతో సినిమాలు చేయలేదని క్లారిటీ ఇచ్చారు. అయితే ఇండస్ట్రీలో ఎన్నో పరిచయాలు ఉన్నాయి కదా.. పెద్ద హీరోలు, నటులెవరూ మిమ్మల్ని రికమెండ్ చేయలేదా..? అని గతంలో వేణుమాధవ్ ని ప్రశ్నిస్తే దానికి ఆయన ఆ అవసరం తనకు లేదని చెప్పాడు.

మొదటినుండి కూడా తను ఎవరి దగ్గరకి వెళ్లి అవకాశాల కోసం అడుక్కునేవాడిని కాదని చెప్పారు. తనకు ఆ రోల్ నప్పుతుందనిపిస్తే దర్శకనిర్మాతలే తనను సంప్రదించేవారని.. అంతేకానీ ఎవరి దగ్గరకి వెళ్లి చాన్సులివ్వండి అని అడగనని క్లారిటీగా చెప్పారు.

సినిమాల్లో గ్యాప్ రావడం కూడా మంచిదేనని.. తనకు ఉన్న పొలం చూసుకునేవాడినని... ఫ్యామిలీతో సమయాన్ని వెచ్చించేవాడినంటూ చెప్పుకొచ్చారు.

ఛాన్సుల కోసం ఎవరినీ అడుక్కోను.. వేణుమాధవ్ కామెంట్స్!

Related Posts