Entertainment

ఫిల్మ్ ఛాంబర్ లో వేణుమాధవ్ కి కన్నీటి వీడ్కోలు

By Prashanth MFirst Published Sep 26, 2019, 1:54 PM IST

Highlights

కొద్దీ సేపటి క్రితమే వేణు మాధవ్ అంతిమ యాత్ర మొదలైంది. మౌలాలి నుంచి ఫిల్మ్ ఛాంబర్ కి భౌతికకాయాన్ని తీసుకువచ్చారు. అక్కడ రెండు గంటలపాటు అభిమానుల సందర్శనార్ధం భౌతికకాయాన్ని ఉంచనున్నారు. తెలుగు సినీ నటులతో పాటు అభిమానులు కడసారి నవ్వుల వేణును చూసేందుకు తరలివస్తున్నారు.

కొద్దీ సేపటి తరువాత వేణు భౌతికాయాన్ని మౌలాలికి తరలించనున్నారు. స్థానికంగా ఉండే లక్ష్మి నగర్ స్మశానవాటికలో అంత్యక్రియలు నిర్వహించనున్నట్లు తెలుస్తోంది. సికింద్రాబాద్‌లోని యశోద ఆస్పత్రిలో బుధవారం ఆయన తుది శ్వాస విడిచిన విషయం తెలిసిందే. వెంటిలేటర్‌పై అత్యవసర చికిత్స అందిస్తున్నారని ఆయన బ్రతికే అవకాశం ఉందని ఎంతగానో ఎదురుచూసిన కుటుంబ సబ్యులకు అభిమానులకు చేదు వార్త ఎదురైంది.

వేణుమాధవ్ మరణం సినిమా ఇండస్ట్రీకి తీరని లోటని సినిమాల ద్వారా ఆయన అభిమానుల గుండెల్లో బ్రతికే ఉంటారని సినిమా ప్రముఖులు నివాళులు అర్పిస్తున్నారు. పవన్ కళ్యాణ్ - మహేష్ బాబు - నాని వంటి స్టార్స్ తో పాటు అనుష్కా కూడా వేణుమాధవ్ మృతి పట్ల సంతాపాన్ని తెలియజేశారు. 600కి పైగా సినిమాల్లో నటించిన వేణుమాధవ్ లక్ష్మి సినిమాకు గాను బెస్ట్ కమెడియన్ గా నంది పురస్కారాన్ని అందుకున్నారు.

ఫిల్మ్ ఛాంబర్ లో వేణుమాధవ్ కి కన్నీటి వీడ్కోలు

Related Posts