చరణ్ పోస్టర్ పై అల్లు హీరో కామెంట్!

మెగా పవర్ స్టార్ రామ్ చరణ్ హీరోగా దర్శకుడు బోయపాటి శ్రీను 'వినయ విధేయ రామ' అనే మాస్ కమర్షియల్ సినిమాను రూపొందిస్తోన్న సంగతి తెలిసిందే. ఈ సినిమా సంక్రాంతి కానుకగా ప్రేక్షకుల ముందుకు రానుంది.

రేపు ఈ సినిమా ప్రీరిలీజ్ ఫంక్షన్ ని భారీగా నిర్వహించనున్నారు. ఈ వేడుకకు చిరంజీవితో పాటు కేటీఆర్ కూడా రాబోతున్నారు. అయితే సినిమా టీజర్ రేపు రాత్రి 9 గంటలకు విడుదల చేయబోతున్నట్లు చిరబృందం ఓ పోస్టర్ ని విడుదల చేసింది.

ఈ పోస్టర్ అభిమానులను ఆకట్టుకుంటోంది. హీరో అల్లు శిరీష్ కి కూడా ఈ పోస్టర్ బాగా నచ్చడంతో ఆయన సోషల్ మీడియాలో ట్వీట్ చేస్తూ.. ''పోస్టర్ అధ్బుతంగా ఉంది. బాగా నచ్చింది. అజర్ బైజాన్ లో చిత్రబృందం అధ్బుతమైన యాక్షన్ సన్నివేశాలను చిత్రీకరించిందని విన్నాను.

ఆ సన్నివేశాలను వెండితెర మీద వీక్షించేందుకు ఆతురతగా ఎదురుచూస్తున్నాను. అలాగే చరణ్ కోసం ప్రత్యేకంగా నెదర్లాండ్స్ నుండి గుర్రాన్ని తెప్పించారని తెలిసింది'' అంటూ రాసుకొచ్చాడు. డీవీవీ దానయ్య నిర్మిస్తోన్న ఈ సినిమాలో కియారా అద్వానీ హీరోయిన్ గా నటిస్తోంది. 

ఇవి కూడా చదవండి..