ఆర్టికల్ 370 రద్దు: కశ్మీర్ ప్రజలు శాంతి సామరస్యంతో ఉండాలని చంద్రబాబు ఆకాంక్ష

కేంద్ర ప్రభుత్వం తీసుకున్న నిర్ణయానికి తెలుగుదేశం పార్టీ మద్దతు సంపూర్ణ మద్దతు తెలుపుతుందని స్పష్టం చేశారు. జమ్ముకశ్మీర్‌లో ప్రజలు శాంతి, సామరస్యంతో ఉండాలని ఆకాంక్షిస్తూ చంద్రబాబు ట్వీట్‌ చేశారు.

అమరావతి: జమ్ముకశ్మీర్‌ కు ప్రత్యేక ప్రతిపత్తి కల్పించే ఆర్టికల్‌ 370 రద్దును కేంద్ర ప్రభుత్వం రద్దు చేయడంపై టీడీపీ అధినేత చంద్రబాబు నాయుడు స్వాగతించారు. కేంద్ర ప్రభుత్వం తీసుకున్న నిర్ణయానికి తెలుగుదేశం పార్టీ మద్దతు సంపూర్ణ మద్దతు తెలుపుతుందని స్పష్టం చేశారు. 

జమ్ముకశ్మీర్‌లో ప్రజలు శాంతి, సామరస్యంతో ఉండాలని ఆకాంక్షిస్తూ చంద్రబాబు ట్వీట్‌ చేశారు. ఇకపోతే కేంద్రప్రభుత్వ నిర్ణయాన్ని స్వాగతిస్తున్నట్లు రాజ్యసభలో ఆ పార్టీ ఎంపీ కనకమేడల రవీంద్రకుమార్ స్పష్టం చేశారు. 

రాజ్యసభలో 370  రద్దుకు మద్దతు పలికిన ఆయన అనంతరం జమ్ముకశ్మీర్‌ ప్రజలు సంతోషంగా జీవించేందుకు కేంద్రం చర్యలు తీసుకోవాలని కోరారు. దేశంలోని అన్ని ప్రాంతాల ప్రజలకు సమానహక్కులు ఉండాలన్నదే తమ అభిప్రాయమని చెప్పుకొచ్చారు. 

గత ఆరు దశాబ్దాలుగా కశ్మీరీల ఆశలు, ఆకాంక్షలు పూర్తిస్థాయిలో నెరవేరలేదని ఈ నిర్ణయంతోనూైనా వారి పరిస్థితిలో మార్పు ఉంటుందని తాను భావిస్తున్నట్లు తెలిపారు. ఈ సందర్భంగా హోం శాఖ మంత్రి అమిత్ షాకు, ప్రధాని నరేంద్రమోదీలకు ఎంపీ కనకమేడల రవీంద్రకుమార్ అభినందనలు తెలిపారు. 

ఈ వార్తలు కూడా చదవండి