కిడారి హత్య: కారులో రూ.3 కోట్లు ఏమయ్యాయి?

అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివిరి సోమలను హత్య చేసిన సమయంలో  ఎమ్మెల్యే కారులో  సుమారు రూ. 3 కోట్లు ఉన్నాయని పోలీసుల విచారణలో  వెల్లడైనట్టుగా  ప్రచారం సాగుతోంది.  

అరకు: అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివిరి సోమలను హత్య చేసిన సమయంలో  ఎమ్మెల్యే కారులో  సుమారు రూ. 3 కోట్లు ఉన్నాయని పోలీసుల విచారణలో  వెల్లడైనట్టుగా  ప్రచారం సాగుతోంది.

2018 సెప్టెంబర్ 23వ తేదీన లివిటిపుట్టు సమీపంలో  అరకు ఎమ్మెల్యే  కిడారి సర్వేశ్వరరావు, మాజీ ఎమ్మెల్యే సివిరి సోమలను మావోయిస్టులు  కాల్చి చంపారు. అయితే లివిటిపుట్టుకు వెళ్లే సమయంలో  కిడారి సర్వేశ్వరరావు కారులో  రూ. 3 కోట్లు ఉన్నాయని పోలీసులు  గుర్తించినట్టు ప్రచారం సాగుతోంది.

అయితే మావోలతో సెటిల్‌మెంట్ చేసుకొనేందుకు  ఎమ్మెల్యే  ఈ డబ్బును తీసుకెళ్లేందుకు  వెళ్లాడా లేక ఇతర అవసరాల కోసం ఈ డబ్బును తీసుకెళ్తున్నాడా అనే కోణంలో పోలీసులు దర్యాప్తు చేస్తున్నారు. 

ఈ ఘటన జరిగిన తర్వాత కారులో ఉన్న డబ్బు మాయమైందనే ప్రచారం కూడ లేకపోలేదు. అయితే కారులో డబ్బున్న విషయం ఎవరెవరికీ తెలుసు... ఆ డబ్బును ఎవరు తీసుకొన్నారు.. అనే విషయమై కూడ పోలీసులు ఆరా తీస్తున్నట్టు తెలుస్తోంది. సర్రాయి వద్ద మైనింగ్‌ సెటిల్‌మెంట్‌ కోసం ఆ డబ్బులు పట్టుకెళ్తున్నారన్న ప్రచారం కూడ లేకపోలేదు. 

మావోలకు ఎమ్మెల్యే సర్వేశ్వరరావు సమాచారాన్ని మాజీ ఎంపీటీసీ సభ్యుడు సుబ్బారావు  అందించినట్టు  పోలీసులు గుర్తించారు.  సుబ్బారావుతో పాటు  పలువురిని పోలీసులు అదుపులోకి తీసుకొన్నారు.

సంబంధిత వార్తలు