బీజేపీ డైరెక్షన్ లో జగన్ డ్రామా, అల్లర్లకు కుట్ర:మంత్రి కొల్లు రవీంద్ర

వైసీపీ అధినేత వైఎస్ జగన్ పై దాడి అంతా ఒక డ్రామా అంటూ మంత్రి కొల్లు రవీంద్ర కొట్టిపారేశారు. వైసీపీ కార్యకర్త జగన్ పై విశాఖ ఎయిర్ పోర్ట్ లో దాడి చేస్తే దాన్ని రాజకీయంగా స్వప్రయోజనాల కోసం వాడుకునేందుకు వైసీపీ ప్రయత్నిస్తోందని మండిపడ్డారు. తనపై దాడి కేసులో హైకోర్టును ఆశ్రయించిన జగన్ చంద్రబాబును ప్రతివాదిగా చేర్చడం హాస్యాస్పదంగా ఉందన్నారు. 

అమరావతి: వైసీపీ అధినేత వైఎస్ జగన్ పై దాడి అంతా ఒక డ్రామా అంటూ మంత్రి కొల్లు రవీంద్ర కొట్టిపారేశారు. వైసీపీ కార్యకర్త జగన్ పై విశాఖ ఎయిర్ పోర్ట్ లో దాడి చేస్తే దాన్ని రాజకీయంగా స్వప్రయోజనాల కోసం వాడుకునేందుకు వైసీపీ ప్రయత్నిస్తోందని మండిపడ్డారు. 

తనపై దాడి కేసులో హైకోర్టును ఆశ్రయించిన జగన్ చంద్రబాబును ప్రతివాదిగా చేర్చడం హాస్యాస్పదంగా ఉందన్నారు. అరసెంటీమీటర్ గాయాన్ని బూతద్దంలో చూపించి రాష్ట్రంలో అల్లర్లు సృష్టించేందుకు ప్రయత్నిస్తున్నారని ధ్వజమెత్తారు. 

విశాఖపట్నం ఎయిర్ పోర్ట్ లో దాడి జరిగితే ప్రాథమిక చికిత్స అనంతరం హైదరాబాద్ వెళ్లిపోయారని అక్కడ బీజేపీ డైరెక్షన్ లో డ్రామా మెుదలుపెట్టారని విమర్శించారు. అరసెంటీమీటర్ గాయమైతే తొమ్మిది కుట్లు పడ్డాయంటూ ప్రజలకు చెప్పి ఆందోళనలు సృష్టించాలని ప్రయత్నించారని దుయ్యబుట్టటారు.   

వైసీపీ ఎంపీ విజయసాయిరెడ్డి సైతం చంద్రబాబును ప్రతివాదిగా చేరుస్తూ హైకోర్టులో పిటీషన్ వేయడంపై మండిపడ్డారు. కేంద్రఆధీనంలో ఉండే విశాఖపట్నం ఎయిర్ పోర్ట్ లో దాడిజరిగితే తమకు ఏంటి సంబంధం అని నిలదీశారు.  

మరోవైపు విచారణకు వైఎస్ జగన్ సహకరించడం లేదని కొల్లు మండిపడ్డారు. ఏపీ పోలీసులకు స్టేట్మెంట్ ఇవ్వరని, పోలీస్ వ్యవస్థపై నమ్మకం లేదంటారని చెప్పారు. ఏపీ పోలీస్ వ్యవస్థపై నమ్మకం లేదు, ప్రభుత్వాస్పత్రులను నమ్మరు మరి కేంద్రప్రభుత్వాన్నే నమ్ముతారా అంటూ నిలదీశారు. 

జగన్ పై దాడి జరిగిన వెంటనే గవర్నర్ నరసింహన్ ఏపీ డీజీపీకి నేరుగా ఫోన్ చేసి నివేదిక కోరతారని అలాగే తెలంగాణకు చెందిన సీఎం కేసీఆర్, కేటీఆర్ లు ఫోన్ చేసి పరామర్శిస్తారని పవన్ కళ్యాణ్ స్టేట్మెంట్ ఇస్తారంటూ మండిపడ్డారు. 

ఇకపోతే ఢిల్లీ వేదికగా వైసీపీ నేతలు చేస్తున్న కుట్ర రాజకీయ స్వప్రయోజనాల కోసం కాదా అని నిలదీశారు. దాడిపై కేంద్ర హోంశాఖ మంత్రి రాజ్ నాథ్ సింగ్, రాష్ట్రపతి రామ్ నాథ్ కోవింద్, ఎన్సీపీ అధినేత శరద్ పవార్, శరద్ యాదవ్ లను కలవడం వెనుక రాజకీయ ఎత్తుగడకోసమేనని విమర్శించారు.   

ఈ వార్తలు కూడా చదవండి