ఆత్మహత్యకు ముందు ఓ వ్యక్తితో 20 నిమిషాలు కోడెల ఫోన్

ఏపీ అసెంబ్లీ మాజీ స్పీకర్ కోడెల శివప్రసాదరావు ఆత్మహత్య చేసుకోవడానికి ముందు ఏం జరిగిందనే విషయమై పోలీసులు ఆరా తీస్తున్నారు.

హైదరాబాద్: ఏపీ మాజీ అసెంబ్లీ స్పీకర్ కోడెల శివప్రసాదరావు ఆత్మహత్య  చేసుకోవడానికి ముందు  ఓ వ్యక్తితో సుమారు 20 నిమిషాల పాటు ఫోన్‌లో మాట్లాడినట్టుగా పోలీసులు గుర్తించారు. ఎవరితో కోడెల ఫోన్‌లో మాట్లాడారు. ఏం మాట్లాడారనే విషయమై పోలీసులు ఆరా తీస్తున్నారు.

సోమవారం నాడు ఉదయం హైద్రాబాద్‌లోని తన నివాసంలో కోడెల శివప్రసాదరావు ఉరేసుకొని ఆత్మహత్యకు పాల్పడ్డాడు. సోమవారం నాడు ఉదయం కోడెల శివప్రసాదరావు 8:30 గంటలకు ఫోన్ మాట్లాడినట్టుగా పోలీసులు గుర్తించారు.  ఫోన్ లో కోడెల ఎవరితో మాట్లాడారనే విషయమై  పోలీసులు ఆరా తీస్తున్నారు. ఆ వ్యక్తితో కోడెల శివప్రసాదరావు 20 నిమిషాల పాటు ఫోన్‌లో మాట్లాడారు.

కోడెల శివప్రసాదరావు ఫోన్ ఇన్ కమింగ్, అవుట్ గోయింగ్ పోన్ కాల్స్ తో పాటు ఎస్ఎంఎస్ వివరాలను పరిశీలిస్తున్నట్టు  ఈ కేసును దర్యాప్తు చేస్తున్న పోలీసు అధికారి  ఒకరు చెప్పారు.

కోడెల శివప్రసాదరావు సోమవారం ఉదయం 9 గంటల ప్రాంతంలో తన భార్యతో కలిసి టిఫిన్‌ చేశారు. 10.10 గంటల సమయంలో మొదటి అంతస్తులో ఉన్న తన గదికి వెళ్లారు. ఆ సమయంలో ఇంట్లో కోడెల భార్య, కుమార్తె ఉన్నారు. 

ఉదయం పదిన్నర గంటల సమయంలో  కోడెల శివప్రసాదరావుకు కొబ్బరి నీళ్లు ఇచ్చేందుకు డ్రైవర్ ఆయన గదికి వెళ్లారు. ఆ సమయంలో  ఆయన తలుపు తీయలేదు. దీంతో ఆయన కోడెల కూతురును పిలిచారు. 

ఆమె కూడ పిలిచినా కోడెల శివప్రసాదరావు తలుపులు తీయలేదు. కిటీకీలోంచి చూస్తే ఆయన ఫ్యాన్ కు ఉరేసుకొన్నట్టు గుర్తించారు. వెనుక డోర్ నుండి ప్రవేశించి కుటుంబసభ్యులు ఆయనను బసవతారకం క్యాన్సర్ ఆసుపత్రికి తరలించారు.

సంబంధిత వార్తలు